Heritage Wall of Fame ah Heritage Divas & Star lalut

Aizawl | December 8, 2019: Heritage Wall of Fame chuan bung thar kaiin nizan khan Heritage Lounge Aizawl chuan ei leh in tur tui tak tak hlui chhuah theih hmun thar - Heritage Food Hub ah joints hrang hrang Scarlet (Restaurant), North East Food Court leh Moctail Bar hawngin hemi rual hian Heritage Divas leh Stars atana thlante chawimawina hun an hmang.

Heritage Divas leh Stars ah hian, mi pariat thlanchhuah an ni a, Divas ah 'The Chosen' band atanga Mizoram mipuite'n kan hmelhriat Zaithiam Fiona Pachuau , Mizoram Model zinga chuai theilo Kimkimi, Naupangte anih atanga Modelling line-a lut a Zoram Khawvel in a hmelhriat Nunui Sailo leh India ram hmun hrang hrang thlenga Mizo ti hmingtha chho mektu Zaithiam Feli Fanai te an ni.

Heritage Stars ah Tennis star Basil Khuma, Basketball khel thiam MSL ti hmuhnawmtu zinga mi Mizoram-a Fashion Show hrang hrangah pawh a hmel kan hmuh Eddie Zaithanmawia, Mister North India leh Garneir Men Mega Mister North East nihna chelh mektu Jonathan Lalmuanpuia Thangeo leh model lar Joseph Rinkima te thlan an ni bawk.

Heritage Wall of Fame ah Zofate zinga mi chhuanawm leh sulhnu nei thate lak luh an ni tawh a, Social workers, Zaithiam, Mizo leaders field hrang hrang a mi te, zaithiam, thu leh hla lam a mi chhuan awm, Entrepreneurs, Fashion Icons leh Sports Icons atana thlante Thlalak tarlan an lo ni tawh a; tun tum hian Heritage Hub leh ANGGU'S Management in Heritage Wall of Fame ti changtlung turin, Mizo Thalai Heritage Divas leh Stars atana an thlan mi pariat te hi lakluh a ni.

Heritage Hub hi Heritage Lounge tiin Kum 2013 April ni 14 khan din a ni a, Mizoram Thalaite leh Mizoram Entertainment Khawvel tan hmun chhinchhiah tlak a ni chho a, Music Domain Mizoram (MDM) pawhin Cable TV atanga Royalty an semchhuahna hmasa ber atan hmangin, kum 2014 khan Gaby's Collection Heritage Wall of Fame hmasa ber lak luh a ni a, Heritage Wall of Fame ah hian tum thum lak luhna hun neih a ni tawh a, a lak luhna hnuhnung ber chu Talents Club buatsaihin February ni 14, 2019 khan Heritage Wall of Fame ah lak luh leh an ni.