Football khawvela mi ropuite Mizoram-ah?

Kolasib | December 31, 2019: Mizoram mipuiin Football khawvela mi ropui, an hun laia Player tha tia sawi thah Drogba, Terry, Joe Cole, Ashley Cole leh Peter Cech te zinga mi tu emaw ber a nung chung ngeia hmuh theihna hun tha kan nei thei dawn.

Mahse, he hun a thlen theihna erawh Mizoram mai ni lovin Mizo mipuite kan tanrual a pawimawh.

English Premier League Club Chelsea FC chuan khawvel puma an Supporters club te tan hun tha tak buatsaihin, Supporters Club thlan bik hnenah Chelsea Legend Drogba, Terry, Joe Cole, Ashley Cole leh Petr Cech, tu emaw ber hi an kal dawn a ni.

Chelsea Official Supporters Club 300 chuang awm ah Chelsea Legend sawmna theh lut thei tur hi 25 an thlang chhuak a, heng Supporters Club thlan chhuah bik zing ah hian Mizo Chelsea Supporters Club te chu thlan tel ve an ni.

Chelsea hian an Legend tirh tur hi a senso zawng zawng an tum sak vek dawn a, Supporters Club te tan chuan programme lo buatsaih a, lo dawnsawn zawng hi a ni. Hei bakah hian Event neih tur zawng zawng pawh Chelsea hian an rawn tum vek dawn bawk a ni

Mizo Chelsea Supporters Club te hi Lodon Club hian an hlut hle a, a chhan ber pawh activities hrang hrang, Thisen pek, rethei chan haite țanpui leh Rally chi hrang hrang te an nei thin a, hei hian London Club hotute a ti lawm in feed back pawh a tha thei hle a ni.

Chelsea FC hian an Supporters Club te an tehna-ah Social media lam an en tel  avangin kan kawtzawl-ah ngei Chelsea Legend kan hmuh theih nan, Football club dang fans i nihna dahtha rihin Mizo Chelsea Supporters Club hi Fb page, Instagram leh Twitter lo follow ve turin min sawm a ni.

Facebook Page: https://www.facebook.com/MizoChelseaFans1/

Instagram: https://www.instagram.com/mizochelseafans

Twitter: http://www.twitter.com/Chelsea_Mizoram

Chelsea FC official website a Mizo Chelsea Supporters Club page lut turin hetah hmet rawh.

•| Sponsored by TT Arts |•

_________________

TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 450 in lei tur a awm bawk e.

Call/ WhatsApp +919615332721