Citizenship Amendment Act (CAA) dodalna vangin Zaithiam Feli Fanai-in sel a tawk

Aizawl | December 17, 2019: Mizo Zaithiam lar leh mipui lawm hlawh Feli Fanai chu Citizenship Amendment Act 2019 (CAA) dodalnaah nimina a kal ve vangin Social Media lamah beih leh sel a tawk nasa hle.

Heng beitu ṭhenkhat hian, 'minister programme ah sawm tawh loh tur' tih ang chi te'n an bei niin Feli Fanai status aṭangin a hmuh theih.

Hemi chungchangah hian Feli Fanai chuan, "Kei mihring a zawnga chhui chian dawl lo ber hian ka phak ang tawk in kan ram kan hnam hi ka hmangaih ve a.Kan ram tana him lo ni a ka hriat  CAA 2019  ka do ve na ah ka ei zawnna thleng a nghawng nei thei tur ang leh mi fuihpawrh mai mai vanga kal ve leh do ve ah te min puh hial a,he thil ah hian ka ram leh hnam ka hmangaih vanga pen chhuak ve ka nihna hi ka sawi chhuak lo thei lo." a ti a.

Party awn bik nei lo a nih thu sawi chhunzawmin, "Zai mi eng party mah awn lo leh ruihchilh ve lo ka ni tih pawh hi ka sawi tel duh." a ti a. 

CAA chu a do zel tur thu, "CAA dotu ka nih avanga ka nun min chhui a thatna lai hmu reng reng lo te khan, min chhui min chhui duh suh u, chhuan tur leh thil tha chhui tlak ka nei lo mahse hei hi ka sawi duh. He Zoram bak hi ram ka nei lo a, Ka phak ang tawk hian kan ram hi ka hmangaih a. Kan ram tana tha lo chu ka phak ang tawkin ka do ve  zel dawn," tiin a sawi bawk.

 _________________

TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 450 in lei tur a awm bawk e.

Call/ WhatsApp +919615332721