Aizawl | November 16, 2019: Zoramthar buatsaihin Zoramthar Zawlbuk Upper Republic, Aizawl ah vawiin khan 'Zofate Lairelna Ṭhutkhawm' neih a ni.
He hun hi Rev. Zaichhawna Hlawndo in kaihruaiin, Ziaktu lian Lalruatfeli Hlawndo in thutkhawm rorel Pathian hnena hlanna a nei.
He hunah hian Pang hnam atangin Hruaitu Chhangdawl Herbert Ramengmawia Pang, Ziaktu Lalhmangaihzuala leh Thurawnpetu Pu CVL Ngura an ruat.
Zofate Lairelna chuan Zofa hnam peng dang Bawm, Ranglong leh Paihte leh a dangte pawh la ruat zel nise tiin an rel. Serchhip District Lairelna chu din hmasak ber ni se an ti a, a hun atan chuan November 22, 2019 chhun dar 12 an ruat. Nakum November 12 hian khawvel puma Zofate Haw Runpui leh Zofate Lungphun neih nise tih an rel bawk.
Rev Dr Zaichhawna Hlawndo chuan thuchah sawiin 'Zofate Lairelna' hi Pathian Thlarau Thianghlim atanga din a nih avangin Pathian Thlarau Thianghlim hnuai theih a kan awm vek a ngai a ni a ti.
Post a Comment
He post chungchanga i ngaihdan lo sawi ve rawh: