MPS in a thlawna thla la ṭhinte ching zui tawh lo turin ngen

Aizawl | November 11, 2019: Mizo Photographers Society chuan inrinni khan thuchhuah siamin Mizo thlalaka eizawngte dinhmun tihniam thei zawnga, eizawnna leh hna atana hmangte dinhmun ngaichang lo leh, an mitmei pawh veng lova  thla la thiam pangngai, camera tha tak nei, Event leh Programme eng emaw a thlawna thla lak tum, a dapa dap leh mahni intah luh tum tlat ṭhinte chu an thil tih ching zui tawh lo turin an ngen.

MPS chuan an thuchhuah ang chuan, "Tunlai hian Mizo zingah camera nei kan tam ta a, thla lak lamah pawh hma kan sawnin eizawnna atan leh chhungkaw chawm nana hmang pawh tam tak kan awm ve tawh a. Chutiang chu kan dinhmun a nih mek laiin, eizawnna leh hna atana hmangte dinhmun ngaichang lo leh, an mitmei pawh veng miah lovin, thla la thiam pangngai, camera tha tak nei, Event leh Programme eng emaw a thlawna thla lak tum, a dapa dap leh mahni intah luh tum tlat kan awm thin hian photographer te dinhmun a tihniam thin bakah ei zawnna atana hmangte an zahawm kan ti a. Hetiang tih ching hi kan ngaimawh a, ching zui tawh lo turin Mizo Photographers’ Society chuan thla la thinte kan beiseiin kan ngen a ni." tiin an tarlang a.

He an thuchhuah hi MPS president Tlauliana leh general secretary HT Hnamtinkhuma ten hming an ziah hnan a ni.




Post a Comment

0 Comments