Aizawl | November 12, 2019: Mizo Photographers Society chuan inrinni khan thuchhuah siamin Ṭhazual Award 2019 semna atana organiser lamin thlalatu mi 10 hlawh nei lova event a thla la tura sawmna leh organiser-te thu zawm tura sawmna thuchhuah chu Thlala thiante dinhmun ngaihhniamna-a an ngaih thu an tarlang a, hetiang hi thleng nawn tawh lo se an duh thu an tarlang.
An thuchhuah ah chuan, "Tun hnai hian Programme lian pakhat an hman tur thu chhuah, social media lama kan lo hmuhah chuan: ‘Photographer tha pangngai, camera tha nei, Event photographers 10 mamawh a nih thu leh hlawh pek an ni lo vang,’ tih hi, photographer te dinhmun chawi san lam aiin an dinhmun ngaih hniamna leh zah lohnaah Mizo Photographers’ Society chuan kan ngai a, hetiang thil hi Event Organiser leh Programme lian tham huaihawt thinte atangin thleng nawn tawh lo se tih hi Society duh dan leh beisei dan a ni." tiin an ziak a.
An member-te chu heng thilah hian inhnamhnawih lo turin an ngen a, Society member ni lo photographer dangte pawhin an dinhmun zahawmna vawn him theih nan thlawp turin an ngen bawk.
Post a Comment
He post chungchanga i ngaihdan lo sawi ve rawh: