LSA in LADC sorkar buai vanga budget pass theih loh pawi ti

Aizawl | November 28, 2019: Lai Students’ Association, Gen. Hqrs. Lawngtlai chuan, LADC Sorkar buai vanga Budget pass theih a nilo chu pawi an tih thu an sawi a, LADC in Budget a pass theih loh vangin Zirlai te leh mipuiin harsatna an tawk chho mek chu thalo an tih thu LSA te chuan an sawi niin The Lawngtlai Post chuan a tarlang.

 Lai Students’ Association chuan, LADC ah Budget pass a nih theih nan, Congress Legislature Party Leader, Opposition Leader leh United Legislature Party Leader te hnen ah  nimin khan ngenna  an thlen a, Session lo awm tur ah Budget pass a nihtheih nan hmala tur leh, thildang zawng zawng aia Budget chu dah pawimawh hmasa turin an ngen.

 Lai Students’ Association te chuan, thuneihna inthlak danglam tur a beihna a awm a nih pawhin Political Party te tan a thiang vek a an ngaih thu an lehkha ah  tarlangin, hetiang ang a awm a nih pawhin, Zirlaite leh Lairam mipuite hmakhua thlir chungin, Budget pass hnu ah an duhzawng chu ti maise tih chu LSA ngaihdan a nih thu an tarlang tel bawk.

Post a Comment

0 Comments