Lei dawhnaah chetsualna thleng; Mi pahnihin nunna chan

Aizawl | November 16, 2019: Daplui kai lei dawhna hna thawh mekah chetsualna thlengin hnam dang pahnihinin nunna an chan.

Tukin dar 9 vel khan Dapchhuah kawh bul, Daplui a lei dawh mek hna hnathawk pahnih chu an hna thawk lai Rod tun khawm tlu/chim in a delhhlum niin kan thudawnna chuan a sawi.

Heng hna thawkte hi Lei dawh mek ban innghahna tur RCC chhunna tur rod an phan, cement chhun mau hmabak karah chuan a ṭul ang ang an thawkin an awm a, chutihlai chuan rod dah khawm chim chuan a chilh (delh) ta niin thu dawn a ni.

A delh pahnih te hi, pakhat Marpara lam mi niin pakhat zawk hi Assam lam mi niin kan thudawnna chuan a tarlang a. An hming leh address hi chiang taka hriat a la ni lo.

Chetsualna thlen chhan tak hi hriat theih a la ni rih lo.