'Khep Khep Mai a' atanga sumlut buaina chingfel

Aizawl | November 26, 2019: Tunlai thalai te zinga hla lar tak mizo music video youtube ah pawh view tamber zing a mi Josephine Lalawmpuii hla 'khep khep mai a' tih chu MDM (Music Domain Mizoram) youtube channel ah June thla khan upload ni in entu pawh a ngah chak hle a, Youtube a tang hian a revenue rawn lut pawh reilo ah a nei nual hman a ni.

Mahse,  Hetianga Khep khep mai a video a hit chhoh a viewer pawh million views a awm chhoh lai hian misual tu tih hriat loh ten a hla copyright hi lo claim in anmahni account a pawisa lut vek turin an lo siam vek mai a. Josephinei hian tumkhat revenue a dawn bak hi chu heng lo khawih chingpentu te hian hemi video a sum lut zawng zawng hi an lo la vek hman ani. He thil hi MDM Media cell ten an hriat rualin hmalak nghal ani a, theih tawp chhuah a bawhzui anih hnu thlathum hnu ah copyright hi la let leh in Josephinei tan  pawisa hi a lo lut leh thei dawn ta a ni.

MDM hian kan zaithiamte tana MDM Youtube channel a dah tawh te hetianga misualin an lo khawih hi tha lo a ti takzet a, kan mizo zaithiamte thawhchhuah hi anmahni ngeiin an tel theihna turin hma lak zel an tum a ni. 

Tin, tunah hian MDM chuan hmathar zaithiamte zai Audio (mp3) te internet  platform hrang hrang a stream( subscribe) theih turin hma an la mek, hetah pawh hian zaithiamte kutchhuak music video emaw Audio emaw te lo khawihbuai sak lo tur in MDM chuan a duh takzet a, lo tilui an awm a nih chuan theihtawp chhuah a beiin  a thilsual titute dan hma a thlen zel an tum bawk.