India Junior Hockey team tan Mizo nula Marina leh Didiki ko

Aizawl | November 20, 2019: Hockey India chuan 3-Nations Tournament khel tur Indian Junior Women's Team a puang a, player 18 zingah Mizo player pahnih - Marina Lalramnghaki, Kawnpui leh Lalrindiki, Hnahthial te an tel.



A tira player koh chhin zingah F. Remenmawii, Lunglei a tel a; mahse Mizo goalkeeper hi a dar (shoulder) a hliam avangin a inkhel zui ve thei ta lo. Inelna pawimawh khel tura Mizo player pahnih an tel thei hi chanchin lawmawm a tling.
Three-Nations Tourna-ment-ah hian Australia, India leh New Zealand te an inkhel dawn a, vawi hnih \heuh an in tum kual ang. India hian an match hmasa ber atan kumin December 4, Nilaini hian New Zealand an hmachhawn dawn a ni.
Indian Junior Women's Hockey team coach Baljeet Singh chuan, "Kumin tir lam khan Ireland leh Belarus te nen match pawimawh kan lo khel tawh a, ka naute hian tawnhriat an nei \ha. Tunah hian chona hautak tak mai kan hmachhawn leh dawn a, inbuatsaihna kan neih \hat avang erawh chuan beisei pawh kan nei sang," a ti.

India Squad
Bichu Devi Kharibam, Rashanpreet Kaur, Suman Devi Thoudam (captain), 
Priyanka, Marina Lalramnghaki, Ishika Chaudhary (vice-captain), 
Ajmina Kujur, Gagandeep Kaur, 
Prabhleen Kaur, Mahima Choudhary,  Mariana Kujur, Chetna, Reet, 
Baljeet Kaur,  Beauty Dungdung, 
Sharmila Devi, Deepika, 
Lalrindiki.

- V_Infiamna

Post a Comment

He post chungchanga i ngaihdan lo sawi ve rawh:

Previous Post Next Post