HSA inkhawmpui vawi 57-na hmang; A chang chuan Hel hi neih kan la mamawh em aw ka ti ṭhin - R Lalzirliana

Aizawl | November 30, 2019: Hmar Students' Association Inkhawmpui lian vawi 57-na chu HK Dohnuna Hall, Saiphai ah vawiin khan chhunzawm a ni a, Power & Electricity minister R Lalzirliana chuan khuallian niin a hmanpui a, Manipur MLA leh PAC chairman Chaltonlien Amo chu khualzahawm niin, Serlui Bialtu MLA Lalrinsanga Ralte chu inkhawmpui thlengtu a ni.



Khuallian Power minister R Lalzirliana chuan thu sawiin, "Ṭhalaite chu zalenna hmang thiam turin a chah a, hunpui lo thleng turah hian fimkhur taka hun hmang turin a chah."

Zalenna ngaipawimawh a, Hmar helte'n inhnukhniamin lungleng takin an Silaite ngai ngawih ngawihin mittui tla chungin an fawp a, ram mipuite leh Hmar mipuiin an tlin tawh loh vanga kan unauten Silai an tunglai hmutu ka ni a, khangte ngaihtuah chuan  a lawmawm tak zet a ni.

Hmar hnam hi Mizoram kaichhuak tur hian a khaipa tur in ni tih hriaa hma la turin ka sawm che u a. Remna leh muanna kan neih hi a ṭha zawng leh a hlawk zawka hmang thiam turin mipuite ka chah mawlh mawlh che u a ni.

Khuallian chuan, "A chang chuan Hel hi neih kan la mamawh em aw ka ti ṭhin. " tiin, "Sawrkar officer eiru tam kan hmuh chang hian Hnam hmangaih taka thisena hming ziakten hma an lak hi a la ṭulin a ṭha zawk mai em," a tih ṭhin thu a sawi bawk.

Zirna uar zel a, hmasawnna atana thawk zel turin ka chah che u a.  Rinawmna chhelhna leh taimakna kan zir thar a pawimawh takzet a ni a ti bawk.

Khualzahawm Manipur MLA leh PAC Chairman Chaltonlien Amo chuan, Zirlaite chu ram leh hnam nghahfak an ni a, ṭhuaitu tur an la nih avangin ṭha taka hlawhtlin tuma zir turin a chah a. Ram leh hnam hmasawnna atana HSA hna thawh ṭhin chu lawmawmin chhuanawm a tih thu a sawi bawk.

Inkhawmpui thlengtu leh Serlui Bialtu MLA Lalrinsanga Ralte chuan, "Zo hnahthlak hnam hrang hrang tawngte humhalh a ṭul thu sawiin, Kan inpumkhatna atana kan ṭawng hman tlanglawn Lusei ṭawng kan thiam tlang a ṭul thu,"  a sawi a.

Hmar tlangdung, Hmasawnna zuankhum, Zangkhaw bungbut hnan tia sawi ṭhin development awm ngai lohnaah hian development a awm ang a, mite awh a la ni dawn tiin a sawi a. Mizo hnam ropui taka din tur hian mawhphurhna kan neih thu leh Mizo leh Mizoram  humhalh tur hian Mizo ṭhalaite kan pawimawh a ti.


He hunah hian HSA president L Rothanglien Khawbung in inlawmna thu a sawi a. Sinlung Hills Council CEM Lalthlamuana Hmar hovin Sinlung Hills hruaituten an uap a, Manipur leh Assam aṭangin hruaitu tam takin an uap bawk.

Post a Comment

0 Comments