Zanin aṭangin YMA Gen. Conf Chhura Runah; Ramri chungchang leh Zofate inunauna chungchang ngaihtuah dawn

Aizawl | October 15, 2019: YMA General Conference vawi 72-na chu zanin dar 7 hian N. Vanlaiphai a Chhura Run Pandal ah tan a ni dawn ta. Zanin hian palai lawm inkhawm neiin naktukah rorel palaiten ro an rel ang a, hetah hian agenda hrang hrang zingah Mizoram ramri chungchang leh Zofate inunauna ṭha zawk a awmna tur a hmalak tumna chuan ngaihven a hlawh hle.

Zanin inkhawm chu Central YMA Treasurer Pu Lalrochuanga Pachuau in kaihruaiin, Rev. Zodinpuia, North Vanlaiphai in hunserh a hmang ang. Organising Committee Secretary Pu J. Vanlalzawnga’n Palai lawmna thu a sawi ang a, Bialtu MLA Pu Lalchamliana, Home Minister in thutawi sawina hun a hmang bawk ang. Central YMAVice President Pu R. Lalngheta’n Souvenir a tlangzarh ang a; Central YMA General Secretary Tv. Lalhmachhuana’n Annual Report pein, Finance Secretary Pu Fabian Lalfakawma hnen atangin Finance Report ngaihthlak a ni bawk ang. Ramngaw leh nungcha humhalh tha, Tuihna humhalh tha, YMA Chanchinbu tha leh YMA Chanchinbu la tha lawmmante sem a ni bawk ang.

Zanin palai lawmna inkhawmah hian R. Lalrinmawii, Leitan; Lalramdini Fanai, Tuikhuahtlang; Ticos Darhmingliana, Chhinga Veng; Lalawmpuii Khiangte,

Chawlhhmun; R. Lalhmangaihzuali, Chaltlang Lily Veng; Laltlanmawia, Sakawrhmuituai Group te zai leh, East Lungdar Branch Zaipawl, Chhimphei Group Zaipawl, Bawngkawn Branch Zaipawl, Samlukhai Branch Zaipawl leh Govt. Complex Branch atangin duet te ngaihthlak a ni ang.

AGENDA

A. YMA KHAWIH :

1. Mizoram chhunga in sak leh thildangah ṭheka tam ta lutuk hi a hautak em avangin, Central YMA-in hma la rawh se.

2. Mizo mipate dinhmun leh mawhphurhna inzirtir kawngah Central YMA-in hma la rawh se.

3. All India Service leh Central Service dangah-te Zofate a tam thei ang ber kan luh theih nan, Central YMA-in mi bikte \anpuia chhawmdawl kawngah theihtawp chhuah rawh se.

4. Mizo hnam peng hrang hrangte kan in unau leh zual theih nan, a huhova Kût hman theih dan Central YMA-in zawng rawh se.

5. Kumpuan kan neih ṭhin hi Kum hnih chhung zel atan puan tawh ṭhin ni rawh se.

B. SAWRKAR KHAWIH :

1. Assam leh Mizoram ramri chinfel anih theih nan Central YMA-in hma la rawh se.

2. Ramngaw leh Nungcha humhalh kawngah Sawrkar-in tun aia nasa zawkin hma la rawh se.

C. KUMPUAN RAWTNA :

1. Ram leh Hnam Humhalh

2. Zirna uar

D. CONFERENCE 2021 THLEN DILTUTE :

1. Chhimtuipui Group YMA - Siaha

2. Khawzawl  Group  YMA - Khawzawl

3. Bilkhawthlir joint YMA - Bilkhawthlir

4. Awithangpa Group - Kawnpui