WORKSHOP ON NATIONAL UNITY ONE NATION, ONE CONSTITUTION TIH HMANGA HUN HMANG

Aizawl | October 1, 2019: BJP Mizoram Pradesh chuan nimin chawhnu Dt.30.09.2019.(Monday) Dar 3:00 PM khan Central ruahmanna angin, Chanmari YMA Hall ah 'Workshop On National Unity, One Nation One Constitution', tih chungchang zirho na neiin, Article 370 leh article 35 A chungchang an zir ho a ni. He hunah hian Dr. Rajdeep Roy, MP (LS), Pu Clement Liankunga IAS (Retired), pu Vanupa Zathang IPS (Retired) ten thu an sawi.

Dr.Rajdeep Roy chuan Article 370 leh 35 A' chungchang sawifiahna hun neiin, India ram hi ram lian tak Constitution ṭha tak nei kan ni a, chumi hnuaiah chuan zalen tak leh him takin kan awm a ni. Chutih mek laiin tunlai a kan khel ber leh NE pawhin a kan bengverh ber pakhat chu J&K in hungbikna dan ṭhiah lailawk chungchang hi a ni.

J&K hian inenkawlna bik dan an neih hi India ram hmangaihtu tan chuan siamṭhat ngei ngei ngai a ni a, India ram himna atan a pawimawh em bawk avangin India ram hruaitu ten a hetiang thil lian tham an ti ngam hi an fakawm hle a ni. J&K hi India ram nimahsela in relbawlna hrang daih nei ang an ni a, chu chuan nasa takin India Ram inenkawlna ah pawh harsatna a thlen thei ṭhin a ni a ti. Tin CAB 16 chungchang ah hian India hmarchhak tan hlauh tur a awm dawn lo a, Union Home Minister pawh in NE tan chuan CAB 16 chungchang ngaihtuahna hran an neih tur thu a sawi bakah Article 371 pawh tih danglam anih loh tur thu a sawi bawk.

He hun hi Pi Judy Zohmingliani State Vice President in kaihruaiin, Pu Lalhriatrenga Chhangte Missionary Cell Chairman in hunserh a hmang a, inlawmna thu Prof JV Hluna'n a nei bawk.

Post a Comment

0 Comments