Aizawl | October 2, 2019: Vawiin Mahatma Gandhi piancham lawmna atana "GANDHI SANKALP YANTRA" hawnna hun India ram hmun hrang hranga hman anih rualin BJP Mizoram pawhin BJP Office Upper Republic Gandhi Sankalp Yantra hun hawnna nei a ni. He hun ah hian Pu Vanlalhuma Kawlni Aizawl District President (BJP) in kaihruaiin, Pu Vanlalawia State Secretary in Pathian hnena inhlanna hun a nei a, Pi Judy Zohmingliani State Vice President in India hnampa Mahatma Gandhi chanchin sawina hun a nei bawk. Kuminah hian Mahatma Gandhi kum 150 pual hian India ram pumah BJP te hian "GANDHI SANKALP YATRA," October 2 - 31 October, 2019 thleng hian Campaig hun hman ani dawn a ni.
Pi Judy Zohmingliani chuan India hnampa Mahatma Gandhi hi Kum 1869 khan Porbandar khua ah alo piang a, amah chuan Medical doctor nih a duh laiin, apa erawh chuan Dan hre mi ni tura a duh vangin London ah Dan a zir a ni. Mahatma Gandhi hi mi in vawngfel tak a ni a, London ah hian a India hnam zia chu kalsan tumin sap nun alo zir a, nimahsela lehkhabu pakhat a chhiar atangin a Law zir na ah hlawhtling turin nasa takin a bei ta thung a ni. A chanchin chu tamtak sawi tur a awm ang tunah chuan India hnampa Mahatma Gandhi chu India ramin zalenna kan neih theihna tur a mi pawimawh ber leh amah avanga zalenna kan neihna avang hian vawiin ah hian India hnampa Mahatma Gandhi hi zahna chibai ka buk a ni a ti a, Mahatma Gandhi hi a ropui na ti zualtu pakhat chu Kristian te Bible kan rinna kawng min kawhhmuhtu hi a chhiar nasa in a hre hle in a rinawm a, Kan Lal Isua thusawi tam tak hian a thinlung hi a hneh hle in a rinawm a, mi zawng zawng nen a inremna hi a ngai pawimawh em em a ni. Keini Kristian te pawh hian kan en tawn ngai zawk a ni awm e.
Africa rama a awm laia midangte tan a ahna thawh nasat avangin Award a dawng a, India ramin Chi (Salt) kan siam chhuah theihna tur a hmalatu ani a, chuvang pawh chuan Time Magazine pawhin Award an hlan nghe nghe a ni. Sap ho in a India mi an hmusit leh an diriam thin a hmuh khan nasa taka beihlet a duh a, thatum tel lova zalenna pawh sual chhuah duh, chawnghei a nawr mai ṭhin mi ani. Chuvang chuan Mahatma Gandhi hi a ropui em em a, tuna India ram Prime Minister Narendra Modi pawhin Pu Gandhi a hnathawh avangin Swachh Bharat (Faina beihpui) thlakna atan hman thin a ni bawk.
Chuvangin vawiin ah hian keini Mizo te pawh hian Kristian kan nih angin kan sakhuana ah chiang ila, dikna leh huaisenna nen, taimakna leh midang te ngaihsakna nen he ni hi hmang theuh ang u, a ti bawk.
Post a Comment
He post chungchanga i ngaihdan lo sawi ve rawh: