Mizo tlangval Samuel Lalrozama Hmar in International Sports Award dawng

Aizawl | October 2, 2019: MMA lama hriat hlawh Samuel Lalrozama Hmar chuan September 28 khan International Sports Award a dawng.

September ni 28, 2019 khan WMMAC (World Mixed Martial Arts Council) buatsaihin international sports  award ram hrang hrang kal khawm 18-te hnenah sem a ni a. He award hi promoter leh instructor-te hnena hlan a ni. India ram aṭangin Samuel Lalrozâma s/o Dr. Thangchungnunga, Dawrpui chu MMA vanga award dawng tura thlan  a ni. Samuela hi India ramah MMA pioneer (bul ṭantu)-te zing ami a ni a, North East-a bul ṭantu a ni bawk; National bidy-ah Technical Chairman lo ni tawh a ni a, India mite zinga certified international referee hmasa ber niin world championship leh UFC Fight Week-a referee hna thawk hmasa ber a nih bakah India ram ti hmingṭhain khawvel hmun hrang hrangah seminar leh referee hna thawkin national leh international federation-in a tir kual ṭhin a ni.

Award semnaah hian Thailand sipai lal Lt. Colonel Pathong chuan chief guest niin a hmanpui. Samuela chuan National mai bakah Mizoramah pawh MISMA (Mizoram State Mixed Martial Arts Association) kal tlanga MMA tana khawvel pum huapa Mizote lang thei turin hma lak zel an tum thu a sawi. Samuela hi Lelte Young Achiever's Award lo dawng tawhtu a ni.