THU LEH HLA LAMAH ENGTIN NGE MIZO IN HMA KAN SAWN ANG?

THU LEH HLA LAMAH ENGTIN NGE MIZO IN HMA KAN SAWN ANG?



Comment lamah i chhan na thu leh hla  lamah i ngaihdan leh i duh dan   lo dah zel rawh.


 Chhanna- Comment  lamah  aw.

Post a Comment

1 Comments

  1. A hmasaberin thu leh hla lama hmasawn tur chuan thu leh hla lama tui phawt a ngai a. Thu leh hla tui chilh tur erawh chuan thu leh hla(Literature) chhiar tam, ziah tam, ngaihthlak tam adt.a ngai thung. Kan hmasawn dan tur sawi dawn chuan kan hmasawn theih loh chhan sawi hmasak a ṭul a. Thu leh hla lama Mizote'n hma kan sawn theih loh chhan ber ni a lang chu lehkha chhiar lam kan thatchhiat em vang a ni. Lehkhabu chu sawi loh mahni vengchhung chanchinbu pawh chhiar chhuak peih lo hi a tam zawk kan ni ngei ang le. Kan chhiar ve pawhin ṭhalai huang leh sports column bak kan chhiar hlawm lo maithei a ni.

    Tin, Mizoram pum huap chhanchinbu lar leh magazine lar tih theih tur Lengzem leh Vanglaini-in Aizawl chhung chauh a tuam hian ngaihtuah a ti thui hle bawk. Aizawl leh a chheh vel khuate'n zing lamah emaw chawhma lamah Vanglaini chanchinbu an hmuh theih laiin thingtlang khua lamah chuan tlai lamah te, chhun lamah te, a ṭhen phei chuan ni hnih hnu velah te pawh an dawng chauh awm e. Chung chuan kan hmasawnna tur tam tak hi min ti ṭhuanawp a tih theih awm e. Chutah a tam zawkin kan la chhiar ṭha peih lo zui a,hmasawn tih thu mal hi chu kan hlat viau rih chuan a hriat.

    Lehkhabu lam ngaina hi kan awm ve nual tawh a;amaherawhchu, beisei tih san chi erawh a la ni hauh lo thung. Lehkhabu a chhuah thar apiangin ziaktu lar sa pawhin copy 1000 leh 2000 inkar bak an ti chhuak ngam meuh lo, Pu Ngurthangvela "Thlarau Hur" erawh copy 5000 lai print a ni thung a, Mizo zingah chuan vawilehkhata lehkhabu print tam ber a ni hial awm e. Mizoram mipui nuaih 10 chuang awmnaa lehkhabu copy 1000-2000 hralh zawh hleihtheih lohva a awm a awm hian thu leh hla lam kan ngaihhlut tawk loh zia a ti lang mai awm e.

    Thu leh hla lama hma kan sawn theihna tur chuan thu leh hla lam chhiar tam kan mamawh a ni. Tin, ziakmi te ngaihsan leh dahsan nachang hriat hi kan tih makmawh niin ka hria. Ziakmi te kan ngaihhlut tawk loh vang te pawh hi a ni mahna hma kan sawn hleihtheih loh ṭhin. Engpawhnise 'Thu leh hla' lamah Mizo-te'n hma kan sawn theihna tur chuan lehkha kan chhiar tam a ṭul a ni. Thilpek(present)-a lehkhabu inpek te pawh hi uar thei ila, hei hian eng emaw kawng takin thu leh hla lama hmasawn turin min puih theih ka ring. Thu leh hla lam hian nasa takin hma sawn se la, Mizoram chuan nasa takin hma a sawn em em ang.

    @Dave_Chawhte

    ReplyDelete

He post chungchanga i ngaihdan lo sawi ve rawh: