Mizo Film thar tur 'Zalenna - Pathian leh kan ram tan' shooting zo hnai

Aizawl | October 23, 2019: One Vision Media Ministry hmalakna a siam Zalenna - Pathian leh Kan ram tan' tih film chu shooting an zo hnai a,  kumin a tihchhuah hman tum  a ni a, a theih loh vek pawhin 2020 chawhma lamah Mipui nghahhlelh chu a takah hmuh theihin a awm dawn niin  exploremizoram.com chuan thu kan dawng.

He film puitlinna atana a hnar kaitu One Vision Media Ministry te hian Mizo thalai te ah ‘media hmang a Lalpa rawngbawl’ tih thupui a neiin, film leh thildang hmang in hma an la mek a ni.

 

He film pawh hi an hmalakna zing a pakhat chu niin, kum 2015 chho a Mizo film lar tak, ‘Nunna Thar’ film siamtute zing a mi, Lalnunsiama (SVP tia hriatlar) chuan a story / script ziak in a direct nghal bawk a ni. Shooting hi 90% vel an zo tawh a. Hun teilo te ah zo mai thei tur an nih thu an sawi.


A ziaktu hian he thawnthu hi Rambuai hunlai (kum 1966 hnu lam) behchhan in a ziak a, MNF Sipai zingah pawh an vaia chhui lovin K Battalion section khat lek te chanchin ang a ziah a ni. mahse, hetah hian kan hriat tur chu a thawnthu-ah hian thil thleng tak tak behchhan engmah a awmlo a. Thil theng tak tak nen a lo inang palh a nih pawhin thil thleng palh a nih zawk thu kan dawng a,  Rambuai hunlai behchhan a nih bak hi chu thawnthu anga phuah chhuah vek a ni.




A thawnthu in a tum ber erawh chu Pathian thu lam a ni daih thung a. Kraws a Isua thisen kha chatuan atan kan zalenna famkim awmchhun a nih zia te, chu lo chu zalenna dang a awm loh thu hi a thawnthu innghahna laimu chu a ni.



Tin, chumi bak ah chuan, tunlai a mihring nun a harsatna chi hrang hrang kan tawh langsar tak tak te pawh Tarlan tel a ni a. Kum lam a la naupang zawk leh, rilru la thianghlim tak tak te tan a zirtir nei tha tak tur film a ni bawk.



He film an shoot chhung hian Pathian hnathawh ropui leh mak tak tak an tawk tih Director, SVP-a hian a sawi a. Ramhnuai ah thlakhat vel riak in, ruahsur in nasa tak in a tibuai a. Rul leh vangvat tam nen, sipai thawmhnaw te pawh suk hman a ni silo a, a bal in a rim pawh a na duh hle mai. Khawsik hi mi 20 zing ah mi 5 vel awm reng ang an ni a, damdawiin han kalpui hial ngai te awm bawk mahse, Pathian mite tawngtaina an dawn nasat vang in chung harsatna lak ah pawh chuan Pathian in a chhan chhuak zel niin a sawi.



"A hun thu ah te, leh an khawsak phung ah te, MNF rammu te zing a mi, Pu C.Zama (MNA chanchin lehkhabu lo ziak nual tawh tu) chu engkim ah rawn in, A tam thei ang ber ah chuan a hunlai mil ang a siam a ni." tiin Zalenna director Lalnunsiama chuan exploremizoram.com a hrilh.



Film siam hi a harsa a, sum leh paia buaina tam tak a awm thin. he film siam tur pawh hian sum hrawm a nain a sang hle a. Mahse, MNF rammut behchhan nimahsela, mi thenkhatin an rin angin Sorkar lam inrawlhna an neilo tih sawiin, Minister emaw, party worker lam emaw, tu te mah an biak loh tawp thu leh  Pathian ah za-a-za an innghah zawk thu Director SVP-a chuan a sawi.
Sawi chhunzawmin, Pathian tana mi thahnem ngai, harsa ve tak tak te pawisa thawhkhawm hmang a he film hi siam a ni a, ‘Pathian hi a ropui a, fak tlak a ni’ tih bak hi chu engmah chhuan tur an neih loh thu Director SVP-a chuan a sawi bawk.



A changtute hi Mizo entertainment khawvel a kan hmelhriatsate an ni a,  Zaithiam Andrew Laltlankima, Sangtei Renza, Jeremy bakah Nunna Thar Film lama kan lo hmelhriat tawh Papuia Pachuau, Jenny Sangtei, Sawma, Adama leh Scooty film a chang tha em em Zorina, leh 0389 serial film lama kan hmelhriat, ‘Where’ film lama kan hmelhriat tawh Elvis-a pawh he film ah hian a inlan a ni. Tin, anni bak ah hian mi thar, lemchan lamah thiam leh tha tak tak hmel kan hmu dawn bawk a. I en hunah chan chawp a ni tih theihnghilh thak khawpa i lo tang a nih pawhin a mawh love..


He film chan hi a hautak em em a, ruah leh thosi karah ram hnuaiah inkulhin, Saitual-a Tamdil leh a chhehvelah hun rei tak inkulhin ruahsur leh thosi karah phone network hman hleih theih loh chang tam tak awm karah an chang a. Heng bakah hian Aizawl leh Kolasib lamah te an chang bawk a ni.


Download ZORAM Android Apps


Tunlai hlaphuah leh zai lam a mite duh em em mai, K Hminga hian a hla phal takin a thawh a,a ni bakah hian Kings & Prophets Studio neitu Pu Toi Intoate  hmalakna leh tlawmngaihna a fakawm thu leh thawhpui nuam a tih thu Director chuan exploremizoram.com a hrilh.







1 Comments

He post chungchanga i ngaihdan lo sawi ve rawh:

  1. A beng var thlak thin khawp mai mahse ka la enve lo ,

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post