MZP Kolasib Kum 40 tlinna ropui takin lawm

Aizawl | October 11, 2019: Mizo Zirlai Pawl (MZP) Kolasib Headquarter kum 40 tlinna (Ruby Jubilee) chu nimin leh vawiin khan Kolasib ah ropui taka lawm  a ni a, vawiin a Kolasib Diakkawn YMA Hall  a lawmnna chu  LAD Minister of State K Lalrinliana chuan  khuallian niin a hmanpui.

Lawmna inkhawm ah hian khuallian chuan thu sawiin Kolasib headquarter MZP in kum 40 hmel a hmu thei chu hruaitu hmasa te inpekna leh thawhrimna ani ati a, Ram leh Hnam bakah zirlai te hmakhua ngaia MZP hruaitute inpekna chu thil chhinchhiah tlak tak ani ati.

Minister chuan zirlai kalkhawm te chu Kan Ram nghahfak, Ram la hruaitu tur an ni tiin Ram leh Hnam hmasawnna kawnga hma la thei turin ngaituahna te senga hruaitu hmasa te hmalakna te chu chhunzawm zel thei turin tun atanga ngaituahna seng turin zirlai kalkhawm te a chah a. MZP thil tum zinga pakhat ‘inchimral theihna laka Mizo Hnam Humhim’ tih chu Mizo te tana thil pawimawh tak, ti hlawhtling tura tak kawng hrang hranga hmalak theih anih thu tarlangin chung zinga pakhat chu Mahni intodelh tura thawh hreh neilo, kut hnathawh uar leh chawisan ani tiin Mizoram chhunga hna tamtak Hnam dang ina an thawh hi Mizo thalai te thawh theih tam tak a awm ani a ti.

Pu K.Lalrinliana chuan Zohnahthlak inpumkhatna pawimawh zia sawiin tlang hrang hrangah zohnahthlak te awm mah ila kan in unauna kan vawng nung zel tur ani tiin mahni Hnam nihna leh nunphung te zahpui mai lovin Mizo nunze mawi vawng nung renga Hnam tangrual nih a pawimawh thu a sawi ani.

Minister chuan Kolasib District thalaite chu District dang thalaite angin theihna an nei ve ani tih hria a, mahni zirlai chu nunpui a pawimawh ani tiin, kan Ram in enge a mamawh, Ram tan enge ka thawhchhuah ve theih ang tih ngaituahna te sengin Mizoram tana mi tangkai nih tum in a tha zawnga intlansiak turin zirlai kalkhawm te chu a fuih a ni.

Khuallian bakah Kolasib MZP Headquarter President hmasa ber Pu HT. Rila, General Headquarter President Pu L.Ramdinliana Renthlei leh Kolasib MZP Headquarter Adviser Pu C.Zomuanpuia ten thusawina hun an hmang a, nimin lama khual lam leh chheih lam intihsiakna a titha te hnenah lawmman sem bawk ani.

Post a Comment

0 Comments