MNF in SHC inthlana candiate puang

Aizawl | October 8, 2019: Sinlung Hills Council inthlan November 5 a lo awm turah hian Mizoram sawrkara rorel lai party Mizo National Front chuh ngei tumin Candidate pasarih chu  Mizoram CM leh MNF Party president ni bawk chuan a puang.

MNF hian constituency pasarih a ding tur candiate a puang a, chungte chu;  Zokapliani - 2nd Phuaibuang, Ricky Lalremsanga -4th Vanbawng, H Lalengzauva -5th Ratu), C Lalnuntlanga -6th New Vervek, Lalmalsawma -9th Zohmun, Malsawma Darngawn - 10th Čšinghmun leh  CS Lalruatliana - 11th Saipum constituency te an ni. 




Sinlung Hills Council hnuaia hian Constituency 12 a awm a, chungte chu – Khawlian, Phuaibuang, Suangpuilawn, Vanbawng, Ratu, New Vervek, Sakawrdai South, Sakawrdai South, Zohmun, Tinghmun, Saipum leh Saiphai te an ni a. Polling Station hi 38 awmin, chung zinga 31 chu Aizawl District ah awmin a dang 7 chu Kolasib District huam chhungah a awm an ni.

Party dang, HPC leh Congress hian candiate an la puang lo nia thu dawn a ni. tin, hetihlai hian HPC Party hian MNF candidate puan lohn a seat 5 la chuangah an chuh dawn nia sawi a awm bawk.


State Election Commission chuan Sinlung Hills Council thar siam tura inthlanna buatsaih a nih tur thu, October ni 1, 2019 a chhuah.

State Election Commission (SEC) chuan he Inthlan chuh tumte tan 10.10.2019, tlai dar 3 thleng hming pek luh theih a ni. Hming pek luhte hi 11.10.2019 chawhnu dar thum hnulam atangin endik tan a ni ang a, inhnukdawh duhte tan 14.10.2019 tlai dar 3 thleng hun hawnsak an ni ang. Hemi ni vek, tlai dar 3 hnua lamah candidate te hi symbol pek an ni anga, inthlan chuh tur te hming list pawh tar ani nghal ang. Inthlan chu 5.11.2019, zing dar 7 atanga tlai dar 4 thleng neih tur a ni a. Hemi ni vek hian Ballot Box zawng zawng Constituency Headquarters a thlen vek hnua vote tla te chhiar a ni ang.  Inthlan that (re-poll) ngai a awm a nih chuan November ni 7 ah re-poll neih a ni ang. Re-poll neihna hmuna vote tla te chu hemi ni vek hian Ballot Box zawng zawng Constituency Headquarters a thlen vek hnua vote tla te chhiar a ni ang.

Sinlung Hills Council hnuaia hian Constituency 12 a awm a, chungte chu – Khawlian, Phuaibuang, Suangpuilawn, Vanbawng, Ratu, New Vervek, Sakawrdai South, Sakawrdai South, Zohmun, Tinghmun, Saipum leh Saiphai te an ni a. Polling Station hi 38 awmin, chung zinga 31 chu Aizawl District ah awmin a dang 7 chu Kolasib District huam chhungah a awm an ni.

Sinlung Hills Council Final Electoral Roll chu 30.09.2019  a chhuah niin he inthlanpui a vote thlak thei chu mi 20914 an ni a, chung zinga 10509 chu mipa niin, 10405 chu hmeichhia an ni.

He inthlanna atan Mizoram Sawrkar hnuaia officer 24 chu Returning Officer (RO) leh Assistant Returning Officer (ARO) atan ruat an ni a. State Sawrkar senior officer 3 te chu Election Observer atan ruat an ni bawk a, anni hian inthlan chungchanga hma lakdan ngun takin an vil dawn a ni. Inthlanna ah hianBallot Box leh Ballot Paper te hman a ni dawn.

Candidate tin te chu Election Campaign atana sum hmanral nitina chhinchhiah tura tih leh inthlanna result puan atanga ni 30 chhungin an sum hman dan report thehlut tura tih an ni anga. Candidate te’n campaign nana an sum hman theih zat hi Constituency khat zel ah Rs. 2,00,000/- bithliah a ni.

Sinlung Hills Council Inthlanna atana Model Code of Conduct chu SHC huam chhung-ah inthlan puan ni, October ni 1 atang khan hman nghal tur a ni.

Post a Comment

0 Comments