Kawnpui khaw kum 100 tlinna ropui taka lawm tum

Aizawl | October 8, 2019:  Kawnpui Centenary Organising Committee chu a vawi 4-na atan vawin khan Kawnpui Hmarveng YMA Hall-ah an thukhawm a, Kawnpui Centenary nakkum 2020 a lo thleng tur hu ropui taka lawm tumin ruahmanna hrang hrang an siam.

 

Sub Committee țhenkhat ruahmanna leh Budget Estimate te chu pawmin, Centenary lawmnna atan hian sub-committee 16 a awm a, hetiang hian Kawnpui Centenary lawmna atan ruahmanna an duang nghal bawk.

Centenary hawn hun atan January ni 10, 2020 Zirtawpni zan ruat a ni a; hemi zan hian Helipad tlang, Kawnpui Hmarveng-ah leh Vangmawi tlang Kawnpui Chhimveng-ah te a ruala meidet leh meithallawn neih a ni ang. Tin, 20th November, 2020 Zirtawpni zan-ah Inthlahna leh Centenary lawm kharna inkhawm hman a ni bawk ang.

Centenary hla inphuahsiaka lawmman pakhatna dawngtu hla hmangin Centenary pual Music Video siam a ni ang.


Kawnpui Centenary Organising Committee

Centenary lawmna programme hrang hrang atan hetiang hian calendar an siam:
(1) January, 2020 : Centenary hawn/Mei det.

(2) February, 2020 : Football Tournament (Branch YMA Mipa)

(3) March, 2020 : Cultural Dance Competition (YMA chhang, kum 15 hnuailam)

(4) April, 2020 : Cycle Rally (Kum 12 hnuailam mipa leh hmeichhia)

(5) May, 2020 : Volleyball Tournament (Branch YMA mipa & hmeichhia leh Branch MHIP kum 35 chin chunglam)

(6) July, 2020 : Hockey Tournament (Branch YMA Mipa & Hmeichhia)

(7) August, 2020 : Lengkhawm zai intihsiak (Branch MUP)

(8) September, 2020: Mizo Infiamna
(9) November, 2020:
(i) 6th November, 2020 Zirtawpni : Centenary Lungphun hawn.

Pandal Programme
(i) 9th November, 2020 Ningani chhun : Naupang pual
(ii) 19th November, 2020-Ningani zan : Țhalai pual
(iii) 20th November, 2020 Zirtawpni Chhun : Centenary lawmna inkhawm
(Tlai - Centenary ruai)
(iv) 20th November, 2020 Zirtawpni zan : Inthlahna leh Centenary lawm kharna inkhawm

4. Heng Sub Committee Budget Estimate te hi pawm a ni -
(1) Programme Sub Committee - Rs.1,45,000/-
(2) Information & Publicity - Rs.43,800/-
(3) Light & Sound Sub Committee - Rs.3,46,000/-
(4) Traffic & Security - Rs.30,000/-
(5) Monument - Rs.2,50,000/-

5. Sub Committee dang ruahmanna leh Budget Estimate chu Organising Committee neih leh huna thlir țhat leh atan dah a ni bawk.
















Post a Comment

0 Comments