ZAITHIAM THANGBUAIA CHUNGNUNNA LEH A HLUT BIKNA RIAU-NA TE

- C Lalṭhazuala

Columnist,

Explore Mizoram

Zaithiam Thangbuaia hi All India Radio Aizawl-a artist lar  a nih piah lamah, mipui chung lam han nih theihna talent hrang hrang Pathianin a pek hnem hle.

Pu Thangbuaia hian a hunlai hian zai lamah Zoram dung leh vang a den chhuah bakah talent hrang hrang a dawng  tam hle.

Tin, Mizo thiam hnang deh lamah talent a dawng ṭha em em bawk. Mizo nitin mamawh hmanrua/bungrua heng, Em, Dawrawn, Tlam, Kho, Hnam, Khumbeu tahte a thiam em em vek a ni.

Thingtlanga khawsa te eizawnna tam ber lo neih lamah ei a hmu em em a.  Lo neih bakah a thiam thil avanga sum hlawh chhuahna tha tak kutthemthiamna lamah pawh mistiri hna, a bikin Thing mistiri hna a thiam em em a ni. Thingzai a thiam hle a, mizo pa hna qng chi hi mite aiin a zei em em vek tih ngam a ni.

Chhiahtlanga a awm laia  All India Radio kaltlanga zaithiam lar hriat hlawh rawn ni chhovin, Otto Recording Studio-ah cassette (audio cassette) pahnih(?) a siam hman a ni.

Ṭhalai hrisel leh tha-zat hun, chak nia in ngaih leh inhriat hun lai, a tha te a la chak ṭhat lai, engkim a nuam leh hlimawm lam zawnga an hkan hunlai chuan zanrei tak tak thlenga thianhova zai te an hrat a, amah hi a tuiin a taima zual hle.

Chhiahtlang grouping centre-a a awmna veng, Sailam venga a ṭhianpa, Volley ball court sir, Sailam veng laili laia awm, Chhiahtlang national middle school-a thawk Pu Valchhinga ina a zai chuan khawtlang mipui a awi mu ṭhin a, khawtlang ti nuamtu a tling.

                               

Chhiahtlang Sailam veng Branch YMA thil tih pui, punkhawmna leh social meeting-naah te mipui awitu niin khawtlang mipuiten ngainat rawn a ni.

Kum 1980s chho vela  All India Radio Aizawl artist han ni thei, lar bawksi te chu hetih hunlaia ram dung leh vanga an kalna apianga mite chibai rawn leh hmuh duh an ni phak a, hetiang thilah hian  Thangbuaia hian amah ngaisangtute ṭha taka dawngsawng ṭhinin, chapo leh midang te nena inkar awm thei tur ang chiin a awm ngai lo. A tenlent ṭha tak tak te vang hian hriat leh ngaihven hlawh em em a ni a, chumi piah lamah pa inngaitlawm tak a nihna hi nite ngainat leh ngaihhlut chhan pawh a ni reng a ni.

Hla hruai leh hla lak a thiam avangin mitthi lumennaah te hla la tura beisei ber a ni ṭhin a. Thangbuaia'n hla a lak chuan zai a tui zel tih a ni ṭhin.

Thangbuaia hi Mizo leh Mizoram tana mi hlu tak zinga mi a ni a, hetia a kal ta mai hi a hlutna kan la hre dawn chauh a ni.