Human Rights Law Network, New Delhi leh Mizoram Law College, Aizawl tangkawpin an buatsaih Mizoram Consultation on Human Rights, Social Movement and Law chu Ni 28 September 2019 khan Mizoram Law College-ah neih a ni.
He Consultation ah hian mithiam hrang hrang Delhi atanga lokal te leh Mizoram chhunga Ukil te leh activist hrang hrang ten paper an present a, Law College zirlai te leh pawl hrang hrang aiawh ten an chhim a ni.
He huanah hian Ms Malsawmi Sailo, Coordinator, Zo Indigenous Forum chuan Draft Indian Forest Amendment Act 1927 chungchang sawiin Mizo tlangram loneih a eizawng te tan he dan a hlauhawm dan leh India Constitution hnuaia inhungbikna kan neih Article 371(G) a kalh dan a tarlang a, Pu C. Lalremruata, Zo Indigenous Forum dintu leh Asia Indigenous Peoples Pact (AIPP) Executive Council Member chuan Look East/Act East Policy - Mizoram perspective tih a sawi bawk a, Look East/Act East Policy sawifiahin kan in buatsaih a tulna leh kan hman tangkai theihdan tur (opportunity) te a tarlang bawk. Hei bakah hian Pu Vanlalruata, PRISM President pawhin an pawlin corruption do na atana an pawl hmalakna hrang hrang te a tarlang bawk.
Post a Comment
He post chungchanga i ngaihdan lo sawi ve rawh: