Bengsika ngaihtuahho a ngai BJP president

Vawiin 30th  September 2019 hian Mizoram a Jt NGO ten Union Home Minister Pu Amit Shah lo kal tur lakah lungawilohna lantir nan pawndum bata lo hmuah  an tum dan an sawi atangin nangmahni Press Mite kal tlangin ti lo tura ngen ka duh a, nangni pawhin a do zawnga lo hmuah chu tha in tih ka ring lo a ni.            

A hmasa in India ram Home Minister Amit Shah hi Union Home Minister a nih hnua a mi rawn tlawhna hmasa ber leh a vawikhat a ni dawna, India ram pum enkawla a buai em em laia mi rawn tlawh tur hi alawm awm em em maia, Sorkar leh NGO tamtakin cheng  tamtak senga Delhi pana chutah pawh hmuh theih remchan loh lai alo ni fo leh nghal. Central Sorkar a Minister pawimawh ber pawlin min rawn tlawh tur hi lo welcome a, kan mamawh leh sawi duh  tinreng lo thlenna remchanga hman zawk tur niin alang in ka hria a.He huna a rawn kal tur hi Sorkar Official programme a rawn kal dawn avangin   Sorkar leh Mipui/pawl hrang hrang te pawh hian tha takin lo dawngsawng thei ila ka duh hle a ni. A chhanchu he hun ah hian Mizoram leh hnam tana thil tul, Assam nena kan boundary chungchangte, bru hruai let thu te, CAB/NRC te, Kohhran pawhin Missionary te himna tur thu te, thil tamtakah a lokal hi tangkai thei ang bera kan mamawh thlen nan remchangah lo hmang ila,   engpawh a leng vekin a rinawm, a nihna a pawimawh em avangin Development leh financial problem te, foreign aid chungchanga NGO harsatna neih te nen lam thlenna hun atan lo hmang thiam ta zawk ila. CAB chungchang a NE State te Claws hran   kan duhdan ang mil a, min siam sak tur thu an sawi tawh chi kan NGO hruaitu ten a rawnkal denchhen hian zawh fiahna leh an tumdan leh kan duh dan chiangtakin lo hrilh ta zawk nise atha awm mange ka ti a ni.

Kan Union Home Minister hi Dr. Jitendra Singh Doner Minister leh NEC changtu in a rawn tawiawm dawn lehnghal avangin he hun tha hi Mizoram tan leh kan pawl/NGO mamawh hrang hrang lo thlenna hun atan thiam taka   lo hman tum hram turin ka nge  duh a, Shillong ah NEC/Delhi ah DONER kan dawr thin kha  kawt laiah a rawn inchhawp hnai fawn a ni sia. Kan ram economy thlir chungin mipui tan a tangkai tur a Sorkar tha ti chak tur in he.    hun tha hi hman dan ngaihtuah ni thei se a duh awm hle a ni.Hetiang taka mi pawimawhin min rawn tlawh tur hi puandum nena lo hmuak lo turin  NGO Co-ordination Committee hi ka ngen tak meuha, an ro lo relsa chu, an mahni zah tak chungin, sut leh hram turin ka ngen tak zet a ni.

Mizoram BJP President JV Hluna