Khawlailung nula Sikul pathuma tling kha!

- Lalnunțawma Fanai

Khawlailung nula, Ramdinhlui d/o Kapkima, tunhnaia Primary School leh Middle School pathuma tling kawp thei chu titi a tam avangin zawh ve hrim hrim ka duh vangin ka bia a. Min hrilh dan chuan, a tira Serchhip leh Mamit district Interview hun an sawi kha an thlak ve zauh zauh a, department lam pawhin lo ngaichang turin an ti a, an hriattir bawk ṭhin. A tira interview ni tur an ruat an thlak avangin Serchhip district-ah Middle School kha July ni 30-ah an interview a, Primary School kha August ni 2-ah an interview leh bawk. Aizawlah a chhuk leh nghal a. Mamit district kha August ni 5-ah interview tur a nih avangin August ni 3, Inrinniah Sumo in Mamit a pan lehnghal. A ṭhiannu a awm avangin an Inah a thleng a, Sunday a riak nghe nghe. Tichuan, Aug ni 5-ah a interview thu min hrilh (A thui lutuk loh nan kaihtawi a ni e)

Dintei hi thiamna lamah BA (Pub Adm) a ni a, PUC aṭanga inzir chhuak a ni. BA ah hian Mizoram pumah 6 na a ni nghe nghe. Hemi hnu hian DIET ah D.EL.ED a training chhuak a. Computer lamah certificate a nei bawk. Hetih lai hian hian MTET a zo leh bawk. 

School pathuma a tlin chhan chu tlin loh a hlauh em vanga dil kawp a nih thu te, officer emaw hmelhriat a neih loh thu leh Pathian zar liau liaua a ngaih thu a sawi. Heng vang tak hian a dil kual nasa niin a sawi. Aizawlah a naute nen In an luah a, Bazarah mi dawr nghakin a inhlawh a. Kan inbiak lai pawh hian Bazarah a awm nghe nghe. Khawlailung, Sialsir (Serchhip district) leh Tuipuibari (Mamit district) te chu a zawm ber tur a la sawi thei lo a, " Ka nu leh pa chuan mahni khua hi ṭha an ti," tiin a sawi thung.