Veteran Ranking Badminton Tournament-ah Mizo an Champion

Aizawl | August 28, 2019: August ni 24-30, 2019 chhunga khelh tur Yonex Sunrise All India Masters (Veteran) Ranking Badminton Tournament 2019 chu Goa-ah khelh chho mek zel a ni a. Mizoram atangin Badminton players eng emawzat kalin category pahnih 40+ Men's Singles-ah leh 50+ Men's Singles-ah te Mizo players ngei India champion an ni.

© inkhel.com

40+ Men's Singles-ah Lalmuanawma Hlimen Veng Mizoram Police player chuan Kerela lam mi thlan chhuak lo a hnehin a champion a, 50+ Men's Singles-ah Lalthanzuala, Chanmari West, Mizoram Police player tho chuan Assam shuttler Abizit Bhuyan chu 21-15, 21-16 a hnehin a champion bawk.

Tin, Lalthanzuala vek hian 50+ mixed doubles-ah final thlengin, a vanduai zawkah an tang ta thung a. 50+ Mens Doubles lamah Lalhlimpuia leh Rosangliana te tangdun chuan Semi final an thleng bawk a ni.

Tin, Lalhmunsiama & H. Lalremruata tangdun leh Lalthanzuala & Dr Lalthlamuana te tangdun chuan 50+ Men's Doubles-ah quarter finals an thleng bawk a ni.

He All India Ranking Tournament hi khelh chhoh mek zel a ni a, August ni 30, 2019 khian a hmawr bawk a ni dawn a ni.

Mizo shuttlers engemawzat category hrang hrang khel tur an la awm a, result duhawm tak tak an la nei chho zel turah beisei a ni.

Mizoram Badminton Association chuan hetianga hlawhtlinna changa, India champion ni thei Mizo tihmingtha tute hi a chawimawi a, an khelh leh zel turah duhsakna sâng ber a hlan a ni.

Source: inkhel.com