Aizawl | August 31, 2019: Mizoram Gospel group hriat hlawh leh rawngbawlna hlawtling tak One In Christ Music Video Album pahnihna 'Kei Kher Maw Lalpa' chu vawiin khan Central Kristian Ṭhalai Pawl (PCI Mizoram Synod hnuaia ṭhalai pawl) leader Rev Dr K Lallawmzuala chuan a tlangzarh.
Tlangzarh inkhawm hi Mizoram Presbyterian Kohhran Mission veng Kohhran Hall-ah neiin, PC Zonuntluangi'n a kaihruai a. PCI Mizoram Synod hnuaia Synod Literature & Publication Board secretary Rev Dr C Chawnghmingliana chuan preview a nei bawk.
One In Christ music video album-ah hian hla 10 awmin, Hla paruk hi Mizo irawm chhuak a ni a, pali erawh sap hla lehlin a ni thung a, Mizo hla paruk zinga pathum hi One In Christ Leader Alvin in a phuah a ni bawk.
He Music video-ah hian Kei kher Maw Lalpa, Mamawh Chhanna, phurit a bo ta Kalvari-ah, i lam ka rawn hnaih, Sual Sal, Engkimah, Zing daifim, Lalpa Ka Engkim, Lalpa ka chhuang che tih leh Ka lawm e Lalpa tih hla te a awm a ni.
Kei kher Maw Lalpa video hi Hebron Pictures kutchhuak niin, Music hi Andrew Vanchhawng siam a ni a, Recording - hi Studio A-16 ah tih a ni thung.
OIC Music Video Album buatsaih hi a awlai lo hle a, Aizawl, Darlungkai, Maubuang leh Thenzawl ah te zinin video hi siam a ni.
Post a Comment
He post chungchanga i ngaihdan lo sawi ve rawh: