Aizawl | August 31, 2019: Mizoram Snooker & Billiards Association buatsaih Mizoram Snooker Ranking Championship neih zawh takah rating a pathumna dinhmun chelh mek Tekawka chuan 1st Lalrina Renthlei hnehin a champion.
Tekawka tia hriat Zonuntluanga hi Zoremthanga Fapa niin, Electric veng Aizawl a cheng leh khawsa a ni a, tunah hian Mizoram Snooker & Billiards Association ranking ah 3na a ni mek. Snooker Championship 2018 Champion niin, National Snooker Championship 2019, Indoore ah Mizoram aiawhin a lo khel tawh bawk.
Zanina khelh zawh tak Mizoram Snooker & Billiards Association State ranking ah hian Tekawka chuan 1na chelh mektu Lalrina Renthlei chu 4-3 a hnehin a champion a ni.
Mizoram Snooker & Billiards Association hian Hawla Indoor Stadium, Republic vengthlang, Aizawl ah Hall neiin, General Headquarters ṭhuthmun a ni nghal a ni.
Post a Comment
He post chungchanga i ngaihdan lo sawi ve rawh: