NEFL ah Mizo Falcons Champion, Mizote'n Futsal Thiam ber

Aizawl | September 1, 2019: Northeast Futsal League khelh zawh takah Mizoram aiawh Mizo Falcons chuan Assam Titans hnehin North East Futsal League hmasa ber nomawi an chawi.

Mizo Falcons leh Assam Titans hian nimin tlai khan Karmabir Nabin Bordoloi Stadium Guwahati ah NEFL final an khel a, Mizo Falcons hian hnehin NEFL Champion hmasa ber an ni ta a ni.

Mizo Falcons hian an tumpui Assam Titans hi 5 -0 in an sawp a. League Final a inhnehna ropui tak tiin a sawi theih awm e.

NEFL ah hian Mizo Falcons Player pahnih Lalawmpuia leh Jessica te chuan Player of the Tournament mipa leh hmeichhia-ah an la ve ve a ni.

Mizo Falcons hian lawmman pawisa fai cheng nuaih 5 an dawng a, pahnihna hian nuaih 2.5 an dawng thung.

August 25 aṭanga khelh ṭan Northeast Futsal League hi India rama Futsal League hmasa ber a ni a. Hmalamah National level a hlan chhoh tum a ni.

Mizo Falcons hnehna ropui hi Explore Mizoram chuan Media partner a nihna angin a lawmpui takzet a ni.

Mizo Falcons hi Dustin Lalkulhpui din a ni a. Mizo falcons hian Mizo players bakah   foreigners sign thar pahnih - Michael Okwudili (Nigeria) leh Jessica Pastor Carreno (Spain) te an nei bawk.

Mizo Falcons Final Squad:

1. R. Zothanmawia (GK), Leitan

2. C. Lalruatsanga, Chawlhmun

3. C. Lalrinsanga, Leitan

4. Alan Lalhriatpuia, Armed Veng

5. P. C. Lalhruaitluanga, Leitan

6. Lalawmpuia (C), Ramhlun Venglai

7. Jenny V. L. Hmangaihsangi, Darlawn/ I.T.I

8. Elizabeth Vanlalmawii, Farkawn/ Chhinga Vengthlang

Coach: Zosangliana Khawlhring

Manager: Lalmuanawma

Explore Mizoram hi Mizo Falcons Media Partner a ni.