MIZORAMA IN HMING AWMZE NEI THU LEH HLA TAM TAK LO PIANNA LEH HNAM ROHLU IRH CHHUAHNA HMUN ȚHENKHATTE

MIZORAMA IN HMING AWMZE NEI, THU LEH HLA TAM TAK LO PIANNA LEH HNAM ROHLU IRH CHHUAHNA HMUN THENKHATTE

1. Zalen Cabin - Pu R. Vanlawma (fam) buzawl a ni a, Zoram tana thu leh hla tam tak lo chhuahna hmun a ni.

2. Zofa Run - Pu Lalhmachhuana Zofa, Pu Chhuantea in hming a ni a. Mizo thu leh hla tam tak lo irh chhuahna hmun a ni. Diktawn chanchinbu pawh he hmun atanga lo inlar chhuak thin hi a ni a. Mizo thawnthu thamral mai tur thlenga thangtharten an lo hriat thar lehna pawh he Run atanga lo in mung hi a tih theih ang.

3. Laisuih Zirbing Run - Pu KC Vanlalruata in hming a ni a. Mizo thu leh hla leh mi hlu tak takte chanchian haichhuak a, Zofate tana ram leh hnam rohlu inphum tam tak thangtharte tana hai chhuahna leh zirbingna hmun, Zofate tana malsawmna leh damna run ni mek a ni.

5. Kumtluang Run - Pu VLC Vanlalhriatrenga in hming a ni a. Lehkhabu hlu leh tha tak tak lo chhuahna hmun kha a ni.

6. Zobawm Run - Pu K. Krawsthanga in hming a ni a. A thuziak chi hrang hrang kan lo chhiar thin hi he run atanga lo chhuak hi a ni.

7. Fak Run - Pu Dr Laltluangliana Khiangte hian a in hi Fak Run tiin a hmang bawk thin a. Mizo thu leh hla tam tak leh Pasaltha Khuangcher lemchan thawnthu lo chhuahna hmun a ni a, Lehkhabu rotling leh tam tak inchhekna hmunpui a ni bawk.

8. Hmangaihzual Run - Pu Lalrammawia Ngente in a ni a, Lehkhabu chi hrang hrang leh thawnthu ngaihnawm tak tak chher chhuahna hmun a ni.

Heng bakah hian in hming mawi leh lungkuai tak tak, awmze ril nei dang pawh a la tam hle. Sap hming vuah mawi tak tak pawh a awm bawk.