CHANGKANNA LEH MIZO ṬHALAITE

-  ✍🏻 Vidpuia Hrahsel

Khawvel changkanna in mizo thalai te min tuam mek a, kan inti changkang a, kan mizo nun ze mawi tak, kan kalsan hret hret a, thalai lehkhathiam zawk te hian kan pi pute rothil hlu aia upa zah te, mizo nun ze mawi tak tlawmngaihna te, khawvel changkanna in, kan peihloh san a, mitin kan buai vek tawh tiin, kan tlawmngai peih tawh lova, kan intih changkan san zel ta mai.Kan nu leh pa te thla zar hnuaiah kan awm a, an thawhchhuah sa kan ring a, kan in la lian hma em em a, ram changkang zawk te tih dan zir ching chho in, kan inti changkang a, thil thing emaw thil hmanlai deuh sawi nan kan mizo na ' a va zo ve' tih kan ching a, vengchhung a tlem a, dinhmun hniam avanga thawmhnaw inbelna pawh nei tha lem lo ten thawmhnaw man to neih duhin kan rilru suangtuahna a, kan chak zawng te nei leh nei lo in lei kan tum zel a, technology thiamna thang zelah smart phone kan hum fer fur a, naupang thlengin kan hum tawh a, a tlangpuiin online games kan uar a, pubg, mobile legends kan khel nasa a.

Mitthi lumen na ah emaw khawhar in kal na ah, pawn ah kan thukhawm a, khawhar in kawt ah pubg kan khel a, khawhar kan lenpui thin. A tih tak tak lam kan ti tha peih lova, a nuam chin ah erawh kan bawr leh khup a, tlem a nula senior deuh chuan candy crush saga an khel a. Kan nu leh pa ten whatsapp thiam tha vak lo in whatsapp fonts ah pawh 'large' ngat hmang chin hi chu an naupang vak tawh lo tih a hriat.Kan awmhmun atangin thil thleng kan hre zung zung tawh a, heng te hi khawvel in a ken tel a ni miau si a, tu a mah in sawisel thei bik kan awm lo.

Mizo thalai kum 13 atanga kum 40 inkar chuan social media kan khawih vek ti ila, kan sawi sual tam awm love; tin mi thenkhat nu leh pa, pi leh pu te pawn an khawih vek tawh. Thalai bik ah hian kan dinhmun en hi chuan heng te avang hian kan ram hian hmasawn lam aiin tlakhniam na a pan tih kan hre silo, changkanna bawih ah kan tang a, mi neih ang kan it a, mi neinung te neih ang kan awt zel a, tumah indem thei bik kan awm lo, achhan chu rual pawl kan duh vang leh mi nunphung kan man ve duh vang vek in ni hetiang hian kan awm.

A nei deuh chuan two wheeler an lek deuh fur a, an nitin nun hman dan a zangkhai phat sawt bawk. Tlem a dinhmun hniam inti Bpl vek mizo te hian mi  in awlsam tak a, an neih thin leh an fate tan a, an leisak thin te, kan fate tan kan neih zawng zawngin kan tih sak a, a chhiat leh a that ah mawh kan phur leh thin bawk. Heng te avang hian kan khawtlang dinhmun hi a tlahniam a, kan nuam sa em a, kan duh duh kan sawi a, min lei sak zel thin vang hian lawm kan pangchang a, inchhung khur a naute en a kan en kan nau kha, a thiante bulah chuan a inti nau lem lo, mahse kan duat em a, kan ti khawlo zo thin a nih hi.

Mizo thalai tam tak rilru nei tak tak an awm, mahse rilru nei lem lo, inti changkang tak, nu leh pa te thawhchhuah sa ring a, awm nuamsa tak te avang hian lawm thalai tam tak chu kan nih tum ang pawh kan ni zo lo thin, kan thiante neih ang kan duh ve zel a, mizo khawtlang dinhmun hi tu vang in nge he nun ze mawi tak hi a tlakhniam tak le.? Changkanna vang hian a mi kan tlakhniam le? Tuman kan inti changkang duh lo, mahse rual kan awt avangin kan inti changkang duh a, thiante neih ang kan duh ve zel a, chhungkua leh khawtlang in a tuar a, kan thatchhe zui em em lehnghal bawk si.Duh duh huna two wheeler lek thei khan, rilru nei tak chungin a nun a hmang ang chu tih laiin, ruihhlo bawih ah a tang leh tlat thung si, tunhnaiah ruihhlo avangin mizo thalai a bik in mipa mual kan liam zung zung a, mizo hmeichhia inchhiarna ah an an tam thung zel, changkanna zo lo hi mipa zawk kan ni zel zuk nia.

Chhiat leh that tawh ni a, a che hmasa a tang ngam lo, thiante nen a nih chuan a, thiante zawk tur reng chi, khawilo lenchhuah na  ah a phur phur a tang leh si, khawtlang leh kohhran a mawhphurna pek a, zahthlak ti a, kal leh duh miah silo, eng ber hi nge i nih le? inchhut la, i nih hlauh chuan inenfiah nan i hman ngei ka  beisei.

Khawsak phung a danglam a, kan nun dan kan her sam zel a, midang mamawh miah lovin mahniin kan tlei tawk a, kan khawsak nuam tawh em avangin midang beisei let lova, kan inpekna thin, midang tan a inpekna te a tlahniam zel ta mai si a, kan in ti changkang a, a inti changkang kang hi, a thatchhe ber ber kan nia, beisei nei chung ran in mi kan pui a, khawtlang leh kohhran ah kan in kil tawih a, kan chep kan in ti a, refreshment a awm loh chuan tumah hi kan phur tawh lo. Nu leh pa te bulah mamawh kan thlen a, kan mamawh bak ai tam kan thlen a, an tan hian phur rit kan siam tih hi kan haider thin chawk.

Kan ram neihchhun hi thalai te hian kan siam tha thei a, thangthar lo la awm leh zel tur ten min dem loh nan, kan intih changkanna hi hetiang lo zawng hian a her theih a, mizo nihphung hi kan chhawm nung zel theih nan leh khawtlang leh kohhran ah te, a tawk chauh a inhman te, kan mizo na rilru midang te tan a, thatchhuah te hi a liam mai loh nan tan i la thar leh ang u.

Hawh u, inti changkang vak lo in, kan nunphung pangngai saptawng tak in 'simple' tak si, changkang taka nundan mawi hi zir zawk ang u. Changkanna hi thawmhnaw leh kan thil neih ah chauh hian ti lang lovin, mizo nun ze mawi tak aia upa zahna te, taimakna te, rinawmna te, tlawmngaihna te a inthuam in, kan thawmhnaw changkanna piah a, nunze mawi tak nei chungin, midang te neih ang awt zel lovin, mahni dinhmun ah lungawi ila, kan ram hian hma a sawn ngei ang.