MIZO HMEICHHIA TE HIAN KAN NIHNA LEH DINHMUN KAN HRECHIANG TA LO EM NI?

Tukin chu whatsapp group pakhatah a hnuaia thlalâk hi an rawn dah ka hmu fuh hlauh mai. Ka ngaihtuahna nasa taka hruai kual nghalin he articles hi alo pian phah ta a ni.

Kan tunlai nula/ hmeichhia te hian Mizo hmeichhe dinhmun kha nasa taka tlansanin, mipa aia nasa zawk (a chhe lam/ a tha lam) a chêtna kan va ngah ta em. Hmeichhia chu kan têt té atangin inchhung chêt leh khawsak rèl hrang hrang thiam tura kan nute'n min zirtir thin kha ani a. 

Mahse kan tunlai nula/ hmeichhe tam tak te erawh hi chuan thiam a lawi an nei ta lo. An thiam chhun chu khumbet a online, nalh tak leh sexy tak taka incheiin an leng ziai ziai a. An hmel duhzawng an va hmuh chawp chu,  zan tam pawh a kârah a tlak hmain an inrûk tir ngam mai a. Eng hmathlir nge a neih, nupui fanau a châwm zo em? tih lam chu an ngaihtuah thleng pha teuh lo.Mi inah Mo an va ni tih chu an in hre ve ngei mai, mahse mo dinhmun a din erawh an peihlo satliah lo, an tlin nganglo zawk, khumbetin an va mo a, tukthuan ei tura kaihthawh chawp an ngai a, an fanu rangkachak luh ve thruai ani ber e.

Khawi veng nge ka sawi lang lo mai ang, Aizawl veng pakhat tih chauh ni teh se. Nula mitthi ina tlaivâr zo chu tlangval ho zingkâr thlàn laihnaah kal ve in, thlân khur a lut nia mawle...

Hei hi kan mizo dânah a awm ngai emni? Kan tlangval/ Vâl upa te khan engtizia a hmeichhia te thlân khura in lo luh tir ve ngawt mai le.. Fiamthu pawha tih chi emni ngai aw.. Mizo hmeichhia te hi kan huangtâu in kan zahpuiawm a, kan kuang bák kan nawr ta lutuk deuh lo maw... Thlân khur hial lut ngam khawp a huaisàr kan awm ta hi a lutuk deuhin kan hria em? Thlalak lah chu a darh chuai chuai mai sia... 

Kan nu leh pa ten min zilhhau thin khan ngawi rengin kan ngaithla a, kan ngaihdan leh dik zawk nia kan hriat pawh sawi ngamlo khawpin nu leh pa te kha kan zah thin ani ngai a. Kan tunlai mihring te erawh chu zilhhau pawh kan zilh hau ngam ta lo chu anih ber hlawm hi mawle.. Kam bák loh a min chháng letin, nu leh pa, a châwmtu leh enkawl seilian tute an kawk let sawk sawk ngam ta zawk ani. Khawnge Mizo nun zemawi kha a awm tak... Khawnge aia upa zahthiam thin Zonun kha le??? 

Nu leh pa zawk kan tlàwm a, ngawih kan chuh mai loh chuan thenawm khawvéng hriatah kan mualpho chhe mai dawn si. Nu leh pa zawk kan zak a kan kimkit naah, a zak zawk tur fate an pawr tlat zawk thin si. Rilru hian hmathlir thui tak a neihsak ngamloh fa nei kan tam hian ka ring ve thin.

Mimal ngaihdan in anglo thliah thluah kârah he article hi ka ziak ani a, in ziak silo, kei mi â hian ka ziak leh thâwr mai anih hi.

- Maveni Khiangte