Hmingtea Music Video 'Isua Hmel' tlangzarh a ni ta

Aizawl | August 9, 2019: Hmingte Chhangte in hun rei tak atanga a buatsaih tawh, a music Video 'ISua Hmel' chu nizan khan tlangzarh a ni.

Hmingtea chuan a hla chungchang sawiin, "he hla in a kawh tum ber chu isua hmel hmu ta la engnge i sawi hmasak ber ang , khawvel a misual ber leh mifel ber pawhin Isua hi chu an hmu chak vek. Chuvangin Isua hmel ka hmuh hunah chuan ka hlim lutuk hi duh dan dan in ka lam tawh mai dawn a ni tihna a kawk bawk." a ti a. Sawi chhunzawmin, "Mizo te hian Pathian kan fakin tah zawih zawih chauh te hi takna ah thenkhat chuan kan ngai thin a, mahse Pathian fak hian hlim tak a lam chungin a fak theih a ni." a ti bawk.

 

He hla hi Hmingtea Chhangte phuah a ni a.  Music mawi taka khawihtu hi  Rpa ralte a ni a. Recording hi a16 valtea a ni a.  Music  video hi Bigas Video production kutchhuak a ni bawk.

He Music video-a warddrope hi Buanga Chhangte a ni a. MUA hi Bethsy chhangte a ni thung.

Isua Hmel Music Video hlawhtlin theihna atan hian tha leh zung leh hun tam tak sen a ni a. Music Video-ah hian chu chu hmuh theihin a awm bawk.

Naupang lam atangin Puitling lam hmuh a ni a. Tlang sang atanga uai thlak hmuh tur a awm a, Taekwondo thiamte mawi taka an invawrh chenin hmuh tur a awm..

Naupang lamte hi Hlimen chawhnu in khawn te an nia, Taekwondo blackbelt rualte lamah hian Dominic leh RSa an ni a.  Tlanglawn ah hian mizo music video a stuntman hmang hmasa pawl chu a ni mai thei Remtluanga hman a ni a, amah puitu nena hian an pahnihin an uaithla nghe nghe a. Aizawl city view mi tam takin thla an lakna thina an lai hi music video ah hian hmuh turin a awm bawk a ni.