BJJ (Brazilian Jiu-Jitsu) Seminar leh Belt grading hlawhtling takin a zo.

Aizawl | August 15, 2019: MISMA (Mizoram State Mixed Martial Arts Association) huaihawtin BJJ seminar leh grading chu 15.08.2019 khan hlawhtling taka neih a ni. He seminar huaihawt turin USA aṭangin International Jiu-Jitsu Association Director Professor John "PapJohn" Gorman (Black belt 4th Dan BJJ) leh Bryan te an lo kal a, UP aṭangin MMA professional fighter Deepak Singh chuan a rawn telpui bawk. Seminar hi kar hnih chhung neih a ji a, a senso zawng zawng hi SPES Martial Arts gym, Dawrpui in a tum a ni. 

Mizo fighter te leh India fighter te hi stand up fighter an ni tlangpui a, prof. PapaJohn chuan MMA fighter ṭha ni tur chuan striking bakah ground lam ṭhat a pawimawhzia a sawi a, striking bika mahni traditional game MuayThai emaw Kickboxing emawte chu uluk taka pawlh dal lova zir chhunzawm zel turin a fuih a, chumi piah lama BJJ an thiam bawk chuan Mizo fighter te hi ONE leh UFC velah kan la hmuh ngei a beisei thu a sawi. Tin Mizoramah Zonet cable leh media dangten hetianga infiammite an support that vangin India ram dang aia hmasawnna a awm nasat a beisei thu a sawi bawk. 

He promotion ah hian Banglades mite an rawn tel ve a, Samuel Lalrozama chu purple belt instructor grade-ah hlan a nih bakah mi 10 dangte chu blue belt-ah hlankai an ni a, pathum chu blue aia sang stripe pek an ni. MISMA president Lalṭhakima leh Dr. Thangchungnunga ten special guest niin an telpui. MISMA president chuan MISMA leh JAM aiawha lawm thu a sawi bakah Tunah hian India mi BJJ black belt pakhat chiah a la awm avangin India hi kan la hnufual hle a, Mizote hi kan taimak phawt chuan a a thleng sang pawl leh thiam pawl kan ni thei a ni tih a sawi. 

BJJ ah hian belt indawt dan chu White-Blue-Purple-Brown-Black a ni a, heng mite hi kai sang tharte an ni :

Revised names

*Blue*: 

1.    Lalchhuanmawia – Instructor

2.    Imanuel Lalthianghlima – Instructor ( Lunglei District)

3.    Ngurlianzuala Sailo – Instructor (Mizoram Police)

4.    Lalṭhasanga Lelhchhun - Instructor

5.    Clement Lalrinpuia – Instructor (Champhai District)

6.    Lalduhawma Fanai – Instructor 

7.    Lalṭanpuia 

8.    Lalmawipuia

*Blue 1 stripe*

9.    Deng Thanchhunga – Instructor

*Blue 2 stripe*

10. Syyed Ryyan Husyn – Instructor ( Bangladesh)

*Blue 4 Stripe*

11. Lalrinawma Fanai