Aizawl | August 4, 2019: Tukin zing dar 5 pelh hnu khan Mission Vengthlang, Khatla road, Lianthangpuii motor servicing bul kawngpuiah nausen ruang chhar a nih thu kan thudawnna chuan a sawi.
 |
| Nausen thlan leh vui lai |
He nausen chhar chungchangah hian Police-in investigation țul ang ang te an ti nghal a. Chumi hnu chuan Mission Vengthlang YMA chuan nausen ruang hi la-in, Mission Vengthlang thlanmualah Upa C. Vanlalhruaia'n vawiin chawhnu dar 2:00 khan a vui liam ta niin thu kan dawng bawk.
Thu dawnna in a tarlan danin, He nausen hi fuke kim thlapa piang, a hringtu nu-in a paih niin a lang a. A ruang lo awmna hi side-drain bul mai, metal road-ah a ni a. A hmu hmasatuten Kulikawn Police Station an be nghal a, nausen ruang hi an hlawm ta a ni.
He thu ziah lai thleng hian Nausen hi tu fa nge, tu paih nge tih leh engvanga paih nge an nih tih hi hriat tur a la awm lo niin kan thudawnna chuan a sawi a.
Hemi chungchangah hian Investigation kalpui mek a nih thu kan dawng bawk.
Post a Comment
He post chungchanga i ngaihdan lo sawi ve rawh: