Tlawng Luiah mi tla, Ruang hmuh a la ni lo

Aizawl | July 11, 2019: Vawiin chhun khan Tlawng lui a Nghalchawm kai bul vel ah Luangmual Govt. Complex veng lam mi ni a hriat mau pum hmang a Tlawng kal kai tum mi 3 te chesual in tui ah an tla a; Mi pahnih chu an inman tang hman a, an zinga mi Pu C. Lalfakzuala kum 53 s/o L. N.Tluanga (L)  Church Street chua chin hriat a la ni lo.  

Nghalchawm lam atang a an thu dawn bawhzui in Sairang ruam a YMA branch hrang hrang ten chanchin ngaihven leh bawhzui in hma an la mek.

Heng mi 3 te hi Tlawng lui kam Tanhril lam kam ah an riak a, nizan lam ah nghalchawm khaw sumo neitu te be pawp in, vawiin Ningani a chhuak tur sumo seat 3 an hauh a, mahse an chuang lo niin hriat ani. 

Vawiin chhun khan Sairang lam miten tui lian in a len thlak mau pum lo man in mau pum ah chuan mi 3 thawmhnaw leh mobile phone 3 an hmuh a ni. 

8:50PM: Chiang zawkin aw..

Pu Lalfakzuala te pathum hi Pu Mafaka huan, Reiek ram tlawng thlang lamah Thawhṭanni khan an riak lut a. Gypsy an ken pawh  Tanhril ram lamah an dah a. Vawiin chawhnu dar 1 pelh hret khan rawn hawn tumin mau pumah inkar kai an tum a. An pathum mobile phone pawh tui a luh loh nan sarangah an thun khawm a, an inkar kai ṭep tihah an chesual ta a, a kalpuite pahnih hi an in ham kai thei a, Mafaka pawh hi inham kai ve a tum viau na a, tuilian hian a la ta a ni.

Tlai dar 4 vel khan an phone leh motor chahbi saranga tuam chu Sairang lama ruang zawngtute chuan tuiin a rawn len thlak an lo chhar a. Mafaka tui tlak hi hriat veleh Electric Veng YMA leh Local Council hruaitute advance party intirin an liam thla nghal a. A hnu chawhnu dar 3:30 khan motor 8 vel an liam thlak belh leh a ni. Sihhmui kai lamah hian Electric Veng YMA  Member 40 vel an awm mek a, Gov't Complex lam pawh an bulah hian an inkulh bawk. Sairang lama kalte biak pawh theih an ni lo va, Balu lakna chhakah an inkulh a,Electric veng aṭanga kal zat hi hriat mai theih a la ni rih lo.

Tuitla zawngtute zanriah eitur hi engemaw zat ken thlak nghal a ni a, zanin lam hian tlaivara awm tur engemaw zat tirh liam leh tum a ni bawk.

Pu Mafaka hian fa pathum a nei a, a upa ber Veredi hian LLM a zo a, a dawttu mipa in Psychology zirin MA result a nghak mek a. An te ber hmeichhia in Class 11 a zir mek bawk.

Pu Mafaka hi a nupui nen an inthen a, amah hian huan lo ram a enkawl a, Gov't Complex-ah in a nei a, tunah hian awm nan hmang lovin mi a luah tir mek a ni.

(Thuchiang zawk nghah mek a ni a, Post hi edit zel a ni e.)

*** I Hun awlah website a fakna hi lo click ve rawh le. ***