Govt Johnson College in Freshers Social hmang; taimakna leh tumruhna hi chuan hlawhtlinna a thlen thin - Dr Thangtea

Aizawl | July 11, 2019: Govt Johnson College chuan vawiin khan Vanapa Hall, Aizawl-ah ‘Freshers’ Social cum Graduation Programme’, an hmang a, Higher & Technical Education Minister Dr. R. Lalthangliana chuan khuallian niin hun a hmanpui.


Higher & Technical Education Minister Dr. R. Lalthangliana chuan Mizorama kilkhawr leh thingtlang leh chhungkaw dinhmun pan leh harsa atanga lehkha zir tura khawpui lokal te pawh, an tumruh leh an taimak chuan dinhmun pawimawh tak an chelh theiin an langsar thei a, hlawhtlinna an nei thei bawk a tiin tum nget tak neia mahni inrintawkna nei turin zirlai te a fuih a. Khawvel cho en lova, midang tih thei chu Mizo ten an ti ve ngei thei tura inngaiin khawvel chu chuk en lova, a khamphei zawnga en a, chu chu chona lian taka a nei turin zirlai te a chah.


Johnson College zirtirtute chu tunah an Department tlanglawn paruk neih mek chu duhtawk lovin tunlai khawvel  thiamna hman tangkai theihna leh hna hmuh theihna leh eizawnna neih thei ang chi course leh stream atan ngaihtuahna seng turin a chah a. College tihchangtlun leh tih hmasawn kawngah  Sawrkar chuan a tih thei ang ang a ngaihtuah zel dawn tih a sawi a, Session thara PG Class chu college thenkhata neih theih a beisei thu a sawi bawk.

*** I Hun awlah website a fakna hi lo click ve rawh le. ***

  

Minister chuan Johnson College in hma a sawn chak nia a hmuh thusawiin college 28 zinga result nei tha ber 5-na an ni chu a lawmpui thu a sawi a. Mizo Central services a tling an tlem chu a vei thu sawiin hemi kawnga hian tan lak a pawimawhin hnamdangin an theih chu kan thei ve a ni tiin hei hi chonaah kan lak a ngai a ni, a ti a.

He programme ah hian College Principal Prof. K. Vanlalmawia pawhin zirlai fuihin thu sawiin zirlai te tan an lehkha zirna kawnga pui turin a bika mentoring programme an kalpui dante a sawi a. Programme hi chawng thuma neih niin Minister in programme hmasa ber a hmanpui a ni.

 

Vawiin hian mi thar an lawmluh bakah zirchhuak mi chhuanawm tak tak te thlahna leh chawimawina hun an hmang bawk.

*** I Hun awlah website a fakna hi lo click ve rawh le. ***

Post a Comment

0 Comments