Ramri a buaina thleng chungchang Kolasib DC hovin khawtlang hruaitu ten sawihona nei

Vairengte | July 13, 2019: Nimin khan Kolasib Bawrhsap Pu Zoengsanga kaihhruai na hnuaiah Assam ramri dep a awm,Vairengte leh Bairabi khawtlang hruaitute nen meeting neih a ni a. He hunah hian Vairengte khawtlang hruaitute chuan IR camp tih changtlun theihna tura hmalak pui turin DC hi ngenin DC chuan IR camp thawm\hatna turin Rs.30,000/- pek a tum thu khawtlang hruaitute hi alo hrilh ni a thu dawn a ni.

 He meeting hi Kola-sib DC conference Hall ah neih niin he hunah hian Vai rengte leh Bairabi a Joint VC te, Joint YMA te, MZP te hruaitute  aiawh mi 2 \heuh bakah Vairengte SDO(C) leh SDPO te an tel a. He hunah hian Koasib DC Pu Zoeng -sanga chuan tunhnaiah ramri a boruak awm chho mek chungchangah boruak muan awm tak awm chu zel thei chu lawmawm a tih thu a sawi a. Hetianga ramri a buaina awm leh khawtlang anga buaina awmah te boruak muanawm tak awm zui zel thei se a duh thu a sawi bawk. Hetianga ramri buaiah hian MZP lamin hma an lo la anih pawhin boruak muanawm taka a awm zui zel theihna turin he huna kal khawm te hma lak pui turin a sawm a ni.Tin, DC chuan Kola sib a a awm chinah buai na hrang hrang eng eng emaw a awm thin thu sawiin ramri buai bakah Tuikuk lak let chung changah te buaina a awm thu a sawi a. Hetianga buaina a tam hian a District tan pawh hma sawnna tur leh \an lak ngaih na laiah hetianga zawnga thil a kal chuan hmasawn a har thu a sawi a. Hei vang hian bo ruak nuam tak hnuaiah Kolasib District chu hma sawn tura kal tir a chak thu a sawi bawk.

 He meeting neih zawn hnu hian Vairengte SDO(C) hovin SDPO leh khawtlang hruaitute chuan DC hi a hranin kawmna an nei leh a. He hunah hian tuna Mizoram Sorkar in BRTF Camp hlui a IR,Platoon khat a dah te awm zui zel dan tur zawtin DC chuan tun din hmunah chuan Sorkar thu anih thu leh chiang taka ala sawi theih loh thu leh awm zui til zel tur erawh chuan thei tawp a \an alak ve thu sawiin an awm nghet zui zel tur theih turah beisei anih thu a sawi a.Tin,he hunah hian Vaireng -te khawtlang aiawh te chuan tuna IR awm te hi an theih tawp an lo lawmthu leh an theih na kawng hrang hrangah an tan pui ve thu DC hi hrilhin DC chuan a lo hriat ve thu a sawi  leh lawm awm a tih thu a sawi bawk. He in kawmnaah hian khawtlang hruai tute chuan tun dinhmunah IRcamp tana an \an ve theih chin a tawp deuh avangin DC anga puihna an beisei thu an hrilh a. He hun ah hian DC chuan IR camp a awm mekte an quarters/barrick vel chei thatna turin Rs.30,000/- pek atum thu alo hrilh ni a thu dawn a ni.

 Tin,he inkawmhona hun ah hian khawtlang hruaitute chuan ILP Counter chu tuna an awmna hmun nilo,IR Camp hnaih lamah awm thei se an duh thu DC hnenah hian an thlen a. Hei hi a chhan chu Police check gate nen a inhnaih lutuk avangin ILP neilo tan luh ruk mai a awlsam theih thu an sawi a. Hemi chungchang hi DC chuan a hmun hmate enin enzui alo tum thu a sawi bawk. Heibakah hian Vai-rengte chheh vela leilet a hna thawkte tan a special  deuhin Vairengte SDO (C) in ILP, thla 6 dam chu pek theih dan awm se, an duh thu an sawi bawk a.Hei erawh lo zirchiana a theih anga bawh zui a tum thu a sawi bawk. He hunah hian ramri a hmalak dan turah thil pawimawh ni a an hriat te khawtlang hruaitute chuan an thlen bawk a ni.

- RENGKHAWPUI