NALH THLAWN MIZOTE

Ziaktu:  F Vanlalrochana

Miss India contestant-ah a zawnin tum thum chu mizote kan tel ve ta a. Hmel leh pianah na na na chuan Miss India ni zui ta te aia lan awm lohna leh phulohna a awm lo e, an ti! 

Zawhna round a lo thleng a. Lu bura thluaka thil inkhawlkhawmsa leh a hman thiam kawngah kan hnufum ta thin an ni, an ti bawk.

He'ngte hi a dik ka ring!

Miss Mizoram an thlan pakhat kha a in contest ngam ta ngang lo a, an ti bawk a. A hma kuma a tellohna chhan chu, kum thar atan a inbuatsaih niin an sawi mawi. Kum tharah pawh chuan a tel ta chuang lo a, midang an tel!

Nalh kan khel a. Pawn lamah chuan kan nalh na rawh e. Professional make up artist nen, Designer ho design leh thuisa nen, Kan inthuam a. Social Mediaah kan thlalak nalh ber ber kan ti lang a.

Eizawnna tling khawp turin kan nalh chhuak zo tak tak nge ka hre lo a. Modelling kan lo tih ve fo hi, eizawnna tak tak chu a tling hauh lo! Anmahni model te duhzawnh leina tumna tawkte chu a ni ve mahna le!

Engatinge han en maia Miss India ni mai awm takte kan nih theih loh thin?

Kan chhiar tlem em a, kan en tlem em a lawm.

Nalh te chu a tha e. Lehkhabute erawh i chhiar ila, chanchinbute chhiarin, documentary en na changte hria ila. Taksa nalhna lama kan than rual hian kan thluak hi fimin fin belh ve rawh se.

TV anchor kan nei ve ta zauh zauh. Pahnih thum tih loh hi chu en an va han hahthlak ngar ngar tak em!! An hmel avanga an chhawr a ni anga tih tur ho programme hi chu ka en kan ta zel mai. Tentative Programme kha a programme tak tak hming emaw ti hial tawk te pawh kan nei ta!

Hmaifaivung mai pakhat, Lallianmawia Pachuau la dam emaw ti tlat, IAS ni tura MCS nih kher ngai emaw ti tlatte hi kan mit leh beng fahtu an ni ta.

Heng hote hi tang ve deuh hlek se ka ti ngawt mai. An ti ta sa sa, an ti rau rau. Mi an kawm dawn a nih chuan an mikawm turte chanchin leh subject kaihhnawih lo zir a, lo chhiar a, lo thiam hmasak ve phawt tur!

Kan hmaia kan bel tur leh kan taksaa kan bel tur kan ngaihpawimawh tluk zet hian kan thluak a lut tur leh chuta tanga lo chhuak tur kan ngaih pawimawh hunah thandan dikin kan thang ang.

Kan nula te Miss India an la ni anga, kan TV programme te a entlak anga, IAS te kan la neih belh teuh ang.

Tun dinhmuna kan mithmuh phak chin ngaihtuah hian indem vak thei kan nei lo e.

Kekawrte nena in post thei reng, Mizo mipa neihtet zia ziak duah ngam kan zim luih luih ve bawk a, mipui pawh hian. Tam tak hian lar an chak a, like tu ngah te, followers ngahte, comment tu ngah nihte an chak a. Mi attention zawng reng reng hi awm ve a ni. Keini lahin hlimawm kan lo ti a. Kan lo pangawinzial mup mup bawk a. Hetiang vel tur hi chu kan ni. Anni nilo hi hlimpui tur leh hun khawralna tur tangkai a tam.

Nalh thlawn mizote i harh chhuak ang u.

A hua hua chuan haw rawh se.

We are the hollow men

We are the stuffed men

Leaning together

Headpiece filled with straw. Alas!

Our dried voices, when 

We whisper together

Are quiet and meaningless

- TS Elliot