HMANGAIHZUALI

(Aizawl Nula Nen)

Ziaktu: RK Ruata Chhakchhuak

Keini thingtlang atanga seilian ta chu Ramkal a thangkam, Hlo thlawh leh Sangha man tih vel bak thiam vak kan neilova, Ruahsur hnuaiah pawh vaihmite leh thosi, vangvat karah kan mahni in

lumah phone khawihin kan mu ve mai mai ngailo a.

Chak chu kan chak ve thin..Sawi thui vaklo mai ang.

Kapa thianpa Pa Mama hi alo zin hlauh mai a.

Kan in ah alo thleng a. " Nanghi lo awm thla la, Work shop ah te i thawk anga," min ti a, Ka chak ve tho mai. kanu leh pa thu ka ngaichang phawt a.

unau 3 zinga upa ber leh innghahna ve ber ka ni a, Ka tello chuan an lo khawsa hleitheilo ang tih chu ka hlau khawp mai. mahse chu kanu leh pa chuan an lo phal reng hi ani a. Ka lawm hle mai.

zanah ka thiante In ah ka leng a, Aizawla awm ve

chu an chak ve hlawm kher mai. Aizawl nula

hmeltha bialnu atana neih an chak hlawm hle a,

keichuan nula nilovin pawisa zawk ani ka duh

chu!

AIZAWL KAN THLENG..

A nuam hi ka ti ve khawp mai a, Bak ah pa mama

te pawn min duat bawk. Athianpa te Two wheeler

work shop ah chuan min thawh tir nghal a. Tihian

kum 2/1 ka zir anga, ka thiam ve hunah hlawh ka

nei dawn a. Zirman a awmlo . A motor siam vel

chu ka en a, Mechanic chuan min hrilh pah ve zel

bawk a, Nuam hi ka ti ve thei hle. mahse hmai

vel hi adum nuau thina, Kawngkal leh class kal

vel an tam thin sia, Nuamlo chu ka ti thei ve tho.

Thla 7 vel lai ka zir hnu chuan ka hre ve tawh hle

a, Kan mechanic pawn thiam chak min ti. Kan

siam that tawh tehi test nan hian thuilo te ka

khalh thin a, Motor pawh chu ka lo khalh thiam

awlsam khawp mai.

krismas rim anam tawh hle mai a, Kan khaw

lampang chu rilru ah a awm reng tawh. Kan pu

techuan kumtawp chawei khawm an mahni in ah

an buatsaih a. Ui pum lian zet an talh a, anuamin

zan ah pawh chuan haw na chang kan hre hlawm

lo.

An rui deuh fur a, an tawng tui bawk sia, ka ning

ta deuh a.Kan thawhphui kan thianpa chuan " I

duh leh ka bike in va tei harh la, petrol ka ngah

lutuk" a tia, chahbi min rawn pe a..

Petrol angah tho tiin ka tlan char char a, Aizawl

khawpui chu ralkhat atangin ka thlir a. Khawpui

mi lh thingtlang mi inthlauh zia te ka ngaihtuah a.

Ka piah deuh chawlhbuk ah chuan nichin atang

inhau thawm ka hre tawh. Ka va en phei reng a, An in beng ri siah mai a. chutah le hmeichhe1 hi

alo tlan phei a, mi 1 hian a rawn um a, a man bet nghal a. Chu nu chu ka lam pan a rawn tlanchhiat

hi a tuma, chu pa chuan a sam a pawt a, chawlhbuk lamah chuan ahnuk phei a, " A na lutuk, min pui

ru, min thlah rawh ka duh lo" ti ri ka hre bawk

a..Hmeichhia chu pangpar anga duat taka enkawl

turah ka ngai a, mahse chupa chuan atina tlat mai, thin alo rim ve nghal ringawt mai a. chutia

tanpui tura au nanana chu kan tanpui ngei angai

a ni. kan phei nghal a.

" Enge awmzia? " ka va tia, mipa chuan " lo

inrawlh suh " alo ti a. " Hmeichhia kha thlah phawt teh." ka tih rual chuan min rawn bawh phei a, Kawngpuiah kan let tawp mai a. A hnuai zawkah tang mahila, kan khua a usanga ka insualpui ang chiah khan chupa a til ah ka thram

sak ta a. Na ati lutuk chu a che thei tawh mang lo.

Ka tho vat a, ka thlah nghal a. Ka khawih zui dawn emaw ka ti hman." Tikhan engtinmah ti

tawh suh" ka tia ka kalsan a, mahse arawn

tlanphei leh chu niin, Nula chuan " khaaaa, arawn

tia, ka lo inher fia a, A bekah tak ka lo pe ta siah

mai a.A let tawp mai a. A tho leh, " In chaklo

ang, nangpawh ichaklo ang"tiin nula pawh chu

akawka.A bike ah chuan enge maw lak atum a.

Nula chuan tlan turin min ti, ka tlan duh

biklo.Chupa chuan seat hnuai atangin chem sei ve

deuh arawn la chhuak ta mai. Nula chu ka lam

panin arawn tlan a, " Tlanchhe rawh" tih pahin

min nem a, A tan pawh ahlauhawm tho avangin

akutah ka man a, ka bike awmna lam chu kan

pan a..Alo tlan ve mai bawk a.

chupa chu ka bike chuan kan tlansan thei hram

min umphak teuh hle.

ka bengbul deuh ah hian " ka lawm lutuk aw , Ka

thin aphu nasa lutuk" arawn ti sep a.

" Hehe, khatiangte ngatinge tunag ah i awmpui a?

A ei zo mai tur che sin...Tunge ihming? Keichu

Rka...ka nia, khawilam ah nge in awm?"

A thusawi ka hriat chian theih nan ka tlanmuang

deuh a. "Hmangaihzuali ka nia,Zualte min ti thin,

Chaltlangah kan awm, "

Engamha sawi tawhloh avangin ka tlanchak a.

Chutia Aizawl nula ka phur chu ka mumang

emaw ka tihial a. Chaltlang lamah chuan kan tlan

zel a. A tawntirhah chuan an lo awm a. An in

awmna min hrilha , an inkawt thleng ka thlah a. "

ka lawm e aw. nangchu lokal lo la chu min

sawisa hrep duh ang. hmeichhe khawlo viau ah

min ngai kher suh aw...Nidang ah ka la hrilh ang

che. khawnge in awm , Enge ithawh thin a? ..min

ti a.

" Armed vengah daih kan awm a, Edenthar ah

khuan 2wheeler workshop ah ka thawk ve a..."

" Khawilai tak maw...Sairang road thla ah khan

mi, ka hria alawm...Nih leh ka kal phawt mai ang

aw..muttui le"

Ka mitthla ah acham reng a, a thusawi tekha

bengah an ri nawn a. Tawn leh ka van chak thin

tak em....Ka thawhpuite bulah chuan ka hmeichhe

tawn chu ka sawi ve thin a..Thla khat vel aliam

ta maw tih ah motor kan lo siam lai tak hian

hmeichhe 2 hi an lokal a, " Rka kha ini em? " min

lo tia..Ehee, ka hmu leh ta..Chibai ka'n tum

ringawt ka kut alo bal sia ka hrufai vel, ka che lai

khawp mai!

" I dam thin maw?" min ti a. " Aw dam alawm.

khawnge in kal?"

" khitah kan kal pah lawk a, kan kal leh nghal mai

ang"

ka thawhpui techuan "loleng ru" an lo ti nasa

mai..Tichuan keipawn ka sawm ve tak avang

chuan an loleng a. Nuam ka van ti em....Mahse

an awm rei lo hle..

Khami ni atang khan ahmel ka hmu leh tawhlo

a..Krismas alo thleng dawna kan khua a hmang

turin ka haw a..Mahse zualtei ringawt ka rilru ah

a wm. An rawn kal ni a ka thlah khan enge maw

sawi atum tlata hriatna ka nei a. A phone no ka

lo dil tawp lo kha chu pawi ka ti hle mai.

Krismas leh kumthar inkar ania, zankhat chu ka

no save loh atang hmeichhe 1 in min lo call a,

Tunge anih ka zawh chuan " Zualtei...Inkhua ah

mas ihmang daih alaw? " alo ti a. Ka va han

lawm tak em...

Ka No chu kan thawhna ah lokalin ka thiante adil

ani ngei ang." I hmang nuam em? " Ka'n ti nghal

a. " Nuam vaklo ihmangnuam zawk em ? " arawn

tia..

" Hmang nuam biklo..Khapa kha ihmanpui ang tih

ka hlau lutuk a"..

" Hmanpui love, ka thlah tawh alawm..khatiang

misual...."

" Thlah daih rawh, khatiang kha chu a ai tha

midang an tam.."

" Nia mahse, midang tumah ka ring tawhlo."

" Engvangin maw...?"

." An in ang vek..Pakhat ah an lungawi ngailo a,

sex chauh an ngaihtuah.khami zan khan ka bialpa

khan min sual a, ka duh silova, ka tlanchhia a,

min lo um a khalai chawlhbukah khan min hruai

a, arui bawk sia, Ruk min tum ta tlat a, Ka duh

silova, athinrim in min hrawk vel a."

" Chuan ....in chesual ta em?"

"Aih nangmah ilo kal hman kha...Lokal lo la

chuan min hruai haw daih ang."

" Hehe, pasal neih chu iva duh awmlo ve"

" Tunah college ka kal ve chauh a, Kanu leh pa te

pawn an phal teuhlo. Chubakah khatiang

hmeichhe kutthlak ching ka duhlo"

" Hmeichhia chu Pangpar anga duat tur anih laia

tiraw? Hehe"

" Umm...Ka dah tawh mai ang aw..mangtha

aw.."

" Awle, tui takin imu dawn nia..mangtha."

Tichuan atuk atang msg te min lo thawn a, a

missed called hi ka hmu deuh reng ta mai a.

Balance te ka thuna ka be ve a. " ka number kha

min dil bawk silova ka dil zak che sia, krismas

urlawk ni ah I hnathawhna ah khan ka lo kal leh

a, mi 2 chauh an lo awm a, ihaw thu an lo sawia,

zak chung2 i number ka dil tawp alawm" ati a..

Aizawla chhuk leh tawh chu ka chak ta kher

mai..Tunah chuan Aizawl nula nen; ava nuam

dawn em..ka man phak hauhlo ka tawng dawn

nimaiin ka hria. Min biak dan leh min rawn biak

peih danah ka lakah beisei anei tlatin ka hria a ni.

Hmanah ka mumangah Aizawl nula hmeltha hi

kan Lo a buh kar velah ka lo kalpui a, kan lo hlim

hle a, atukzingah ka ngaihtuah zui a. kan buh

karah te keimaha kalin ka lung kha rei tak chhung

aleng a ni. Tunah ka tawng dawn ta mai em ni

le..

Tichuan Aizawlah chuan ka chhuk leh ta a..ka

hna ngai bawk chu thawk lehin ahmunah chuan

ka awm chilh tawp changte a awm thin a. Ka

thiam chak ve hle avangin pu in min duhsak a.

pocket money min pe ve fo thin..Duh hun hun

khalh mai tur Bike pakhat modi hrep mai hi a

awm a, kan khalh chhuak fo thin.

Chawlhni arawn ni a, chhun pachangah chuan kan

in text deuh reng mai a..Ka hmuh leh chak thu ka

sawi chak ani. Mahse ka ngam silo..Zeilo rual leh

zaklo rual chu ka ni bik tawhlo.mahse ka duh zia

ka hrilh thei silo. Ka phuloh animiau si a, sawi

ngam chi anilo ka tan chuan....Bul atan hmasak

ka nghah mailoh chuan.....

Intext ve reng mahila; kan inbiak dan erawh thian

ang mai ani a, Ka van kham khawplo thin em...

Ka in ngaihbel tur thil tehi sawi thin mahse ka nih

ka ring ngailoa , ka in ngaihbel duh thin lo..Min

biak dan te, min ngaihtuahdan leh ka chanchin

vel min zawh peih danah min duh niin ka hre

thin.

Zankhat chu min lo bia a. " ka thiannu te in chaw

kan ei a, haw na tur a awm leh silova " alo ti a.

Kan dawra ka lo riah zan ani bike in a awmna

hmun chanmari west lam chu ka pan a. ka hruai

ta a. Mahse Zu rim anam tlatin ka hria. ka tlan

chak deuh leh min lo pawm a. nuam reuh tak ani.

An in thlen hma deuh remchang laiah chuan ding

turin min tia, ka ding fel chiah achhuka kawngsir

ah ava luak ta mai..

Alu ah ka va dawm a.. A rawmawl techuan a

inhru a, " ZU In chu kha kha nimai" ka tia, " Beer

alawm ka intam lutuk a..min hria ang tih ka hlau

e.." atia..

" In in ahnai tawh tho sia helai thleng hi nimai

aw"

" Hmm, I van sual.."

"Hehe, sual vak ami?.."

" Hmeichhia chu pangpar anga duat tur itih kha

ihre tawh nange..."

min en reng a..Ka duat achak anilo maw..." Ke in

ka lo thlah ang che" tka tia..Akal ve mai." ka lu

ahai , ka hmu vir vel, ka in tawhlo chiang ngawt

ang.."

" I luhai maw, itlu palh ange, ka lo pawm.phei mai

ang che" tih leh pawm ka rual ta a..Ka

nghawngah min kuah ve nghal chat a.

Ka pawm phei ta, mahse engmah kan sawilo, ka

en a mahse hmundang alo hawisan hman a,

hmalam ka enrualin min lo en leh thin a..An

inkawt thleng chu ka pawm a..Aluh dawn thleng

chuan ka thlirliam ta ani.

hemi zan atang hian kan inkarah enge maw chu a

awm ta a..Kan inbiak vel dan pawh adanglam ta..

Ka hnathawhna ah pawh tlem a zawng hlawh ka

nei ve tawh a, ka chhungte pawisa thawntur tam

lo te ka nei ve tawh pawh chu ka tan chuan

hlimlohna chi anilo. Sunday tlai khat chu zualtei

kan venga lo leng turin ka ti a, chubak ah kan

veng chhak lawk chhinga vengah thiannu anei a

tlawh aduh pah hrim hrim bawk a.

Chhun atang chuan ka lo insiam tawh vel a. ka

thawmhnaw duh ber leh nalh ka tih ber nen

chuan thlanmual ah ka lo nghak a. dar 3 leh

tlemah chuan alo lang a, A u scooty arawn

hmang ani..April kung hnuaiah kan awm a, April

lah chu apar hunlai tak alo nia amawi khawp

mai..

A tawng chu ka lo ngaithla a, ka lo enreng a, "

tinge min en reng a, tawng ve tawh rawh"

" I hmui hi amawi em alawm...."

" Hmmmm van ho tak"

" Mahse amawi tuh mai chauh ka chantawk"

" Enge isawi tum?"

" Ni e, zualte....ka hrethiam biklo.ka a zo vek"

" Ngatimaw i at a, ?"

" Nangmah vang hian ka a vek tawh.Kei hi tinge

hetia min awmpui?Tinge ilokal"

" Enge awmzia....lokal rawh itihkha Min kawm

duhlo mi? ka haw mai dawn..."

"Zualte tinge kei thingtlangpa bulah hian i awm ve

a, engmah ka nilo asin.."

" Ini alwm. I fel ka tia, ibula awm nuam ka

tia...chuan...ka ngaina bawk che a.."

" Chuan....min duh bawk em?.."

ka pawt hnai a." ka hrelo le" ati zawisap a..

" Tunah sawi rawh"

" Aih nakin ah...Min hrethiam rawh.

inngaihtuahna hun min pe phawt rawh."

" A tha lawm"

hmalam ka en a, ka ngawi reng a.

Haw arawt ta daih mai..engmah sawi zawm

tawhlo in scooty ah chuan achuanga kan in

mangtha a. Tlai chawei kham inkhawm dar rik lai

chuan " Inkhawm dawn em? ka inkhawm dawn

a..."

" chuan maw

.ka duh che." tih hi min lo thawn ta mai chu

lawm avangin ka mittui atla hial thei asin..

Nitin ka duhna azual a, englai pawnn ka rilru ah

hian a awm reng ani ringawt a. A text dawng lo in

ka awm thei ngailo. Chawlhni tlaiah kan lengdun

a, Aizawl daifem thingbuk hnuai ah thlifim in

chhem tirin kan inngheng rial a. Ahmui fawh ka

chak em em chu dimtein ka fawp a. Engdang ka

ngai biklo...

Ka ta anih chinah chuan ka duat hle a, Kan thu

pawh a inhmu dun hle thin. Karkhat ah vawi2 Te

kan inhmu a, Kan ihmuh hi chuan kan inthlahlel

thin khawp mai..Kanu leh pa te bulah pawh ka

hrilha phone te pawn ka biak tir ve thin a. Ka

hmangaih em avngin aramri kham chin hi ka pel

ngailo..Kan hma hun turte suangtuahin kan thlir

lawk thin a, khawvel hi kan tanchuan a awmlo

ang tih hi ahlauhawm thin.

" min tuahrem thuaise chun leh zua ten in then

tawhlo turin..Damten ikianga riahrun rem hi aw

ka van nghakhlel em....."

Kapa a damloh thut avangin inlam ah an buai si

a, Kan khua ahaw chu angai ta tlat mai a.hreh hle

in peihlo viau mahila ka chhungten min mamawh

tlat mai si a..Zualtei pawh chuan hawlo tur chuan

min duh, mahse tihtheih anei bik lo tih ka hria..Ka

haw hma ni chuan inthlah nan tiin hotel ah chaw

kan ei dun a, Lo rinawm tlat tur leh ka zin leh vat

tur thu ka sawi a.mittui tlingpiau chungin " Ka

khuahar thei ngawt ang.lo zin leh vat ang che"

min tia..min pawm a..

An kawngka aluh dawna min lo bye bye lai te kha

mitthla ah ala cham reng thin..

kan khua ah chuan ka haw ta a.kapa chu alo

malaria avngin adam har anh reng hle ,

Theihtawpin kan khaw thenawm damdawiin ah

kan in enkawl a. keichu kan thlai leh thei rah vel

ka enkawl avangin mahni tawkah ka buai thin hle

mai. Zualtei nen chuan kan in be reng thin a.

Aizawla haw tawh turin min ti reng thin. Achang

chuan min ngai lutuk hi phone ah tehian alo tap

vel thin a..Ka ngai thin khawp mai.mumagah ka

hmu ngun bawk si...

Kapa chu tlemin adam tha tan a. In lamah kan in

enkawl a mahse hna athawh theih rihloh avangin

Aizawla kalsan chi ani lo..Mahse Aizawl ah chuan

ka rilru a awm reng a, chhuk vat chu ka tum reng

thova Zualtei hnenah pawh ka chhuk tep tawh

thu ka sawi reng a. Mahse chhuk tih ni reng ka

neilo, ka nu leh pa lah chuan chhuk mai an phal

ta silova..

kan khua ah chuan ka cham hlen ta ringawt mai

a. Zualtei chu achang changin ka phone tlang thei

a, Ka hmel ahmuh har tawh em avng aniang chu

ka lak ah pawh athinrim ve hle in ka hria.

Zan khat chu adamloh thu hi alo sawi a, Ka duat

amamawh thu leh achak thu alo sawi chuan

abula awm vat angai tih ka hria..Kanu leh pa

chuan kar thar ah law law an tih avangin ka

nghak ta ngat ngat a..

Chawlhni zan kan inkhawm bang chu Zualtei miss

called ka hmu a, ka call back nghal.mahse

athiannu in min lo chhang.." Rka mi? Vawiin tlai

atang khan zualtei azual a..Icu ah a awm mek"

tih hi alo sawi a..Ka van mangang tak

em...Anunna chu zuahsak turin Pathian ka dil

nghal a..

Atuk zingah chuan Aizawl lam panin sumo ah ka

chuang ta a..Thleng har ka inti hle mai..Zualtei

chu Ventilator hmanga an thawktir thu athiannu

chuan min hrilh a, A awmna hmun damdawiin a

kal vat turin min ti bawk ani.

Chawhnu lamah ka thleng ta a. Damdawiin ah

chuan kalin a awmna icu chu ka zawng buai hrep

mai a.

Athiannu niawm tak chuan keimah ka nih ringin

min lo kova, miho chuan min lo en thap a..Zualtei

thiante ho emaw ni anlo inhru mawlh mawlh

hlawm a..Zualtei awmna chu ka zawt a, Icu

chhung ka va en chuan khumah alo mu a, a

hnukchah hun an lo nghak tawp hi ani mai a..A

chhungah chuan luh ka dil a, an phal ve mai a.

Zualtei unau leh anu leh pa chuan min lo en thap

a, Zualtei chu an kova" I thianpa alokal" tiin....

A kutah ka vuan nghal a.." Zualte Rka ka nih hi,

ka lo thleng tawh ania han meng teh..Zualte, min

tih der suh, ka tan han nui leh teh" tiin akut

chuan ka biang ka dawm tir a. Tlemin akut chu

arawn che a. ka ko nawn leh a, Arawn meng ser

ser a, Min rawn hmu chu tlemin anui deuh a.."

Zualte ilo meng tawh maw...Tikhan meng reng

rawh aw...ibulah ka awm reng dawn nia" ka ti

a..Ka kut chu arawn vuan a,ka lo en a, a kut

zungchal chuan ka kutphah ah 'love' lem hi hi alo

ziak a min lo en a. " Ka hmangaih che" min ti ang

ah ka ngai.." zualte ka hria lawm keipawn ka

hmangaih che".ka ti a, achhungte chuan min

enthap a, zah pawh ka sawi theilo..

Amit chu muangte in akhap a, mittui alo.luang a,

min en reng a,mahse min hmu reng emaw ka tia,

ahnuk alo chat tawh chu niin amit chu ka chhin tir

a.. ka khaw hmuh afiahlo ruai nghal mai...Tah

vak vak ka van chak tehreng em...mahse amak

lutuk ka tap theilo.ka ringlo, min kalsan ka ring

theilo. mahse min kalsan si amw.....avan mak

tehthut tak emm...

Tuarthiam avan har thin emm.Hlimtakin kan

lengdun zel dawn emaw tihlaiin thihna kut vawt

chuan aman ta si amw...Zualte engan kher

khuanu pawh hian zah angaihloh le...Kha inatna

kha keihian lo nei zawk ila tha tur ania..

Ka parmawi vullai atliak piallei daiah chham ang

azal ta e. Tawn leh ni reng ka nei tawh law'ng..

kar tin athlan ah pangpar dahin ka kal thin a,

awmkhua aharin suihlung avan leng thin em!

Kumpui sul tam vei thin mahse an kiang silo

nagngaih lunglen hi...khuarei in ahnem an ti

maw?..Engtik nge khuarei chu ni, ka tan chuan

khuarei a awm ve ngai dawn lo anih hi....

" Khawnge maw ka di ve kha....An sawi pialral

famkhawpui tualah min ngailo ten ileng ta

maw......?

Min lo thlir reng thin ang che aw zualte....

Hrilhtur che ka ngah asin...Zualte zualte ....I

hming ka lam reng a, ka ngaihtuahna leh ka

suangtuahna te hian arawn zawng thin che

asin...Ka thinlungah hian ihming hi achamreng

tawh a, engtiklai mai pawh hian ka hmangaihna

che hi azual asin.....

Fur ruahtui alo tlak chuan athlan ah pangpar mawi deuh deuh ka phun a, reilo te ah mawi tak takin an lo par a..Chu pangpar leh athlan tlawh chuan ka kal ngun thei khawp mai. Amah ka duat ang thovin pangpar techu ka duat thei hle a. Pangpar ka hmuh chuan amah ka hmu angah ka

in ngai thin.. Hringnun chu pangpar ang maiin avullai chuan

amwi a, pangpar ang maiin reilo te ah an chuaiin an ral leh mai thin.

ATAWP TA.

[ A Ziaktu hian min hrethiam hram se. A thuziak hi a țha em a. A riral kan hlau si a. ]

##A hnuaia fakna hi lo hmet ve rawh.##