Aizawl | July 19, 2019: Vawiina MZP huaihawta Aizawl khawpuia Ram Chhan kawngzawh neih a nih dawn vanga College SU te leh Zirlai hruaitu te hming langa post mawi lo tak tak siam tu leh, Thingtlang mi te diriam taka tawngkhum thin IG Account, Super Swagliana- in ti chu case siam sak a nih ngei theih nan MZP Gen. Headquarters chuan FIR a thehlut.
MZP Gen. Secretary Pu Lalnunmawia Pautu leh College SU thenkhatte chuan vawiin khan Aizawl Police Station ah FIR hi an thehlut.
Hemi chungchanga hmalak zel dan tura pawl duhdan te fiah taka sawiin a ti tu ni a ngaih ber Phone number te dahin case hi umzui zel an tum thu MZP General secretary Lalnunmawia Pautu chuan a sawi.
Hetianga Ram leh Hnam leh Zirlai te hmakhua ngai miah lo leh, College mualpho theihna tur dawn lova Post siam thin te hi MZP chuan an dem takzet a ni.
Social Media a chhe zawng leh tangkai lo zawnga hmang lova, Mi dang mualphona thlentu ni lova a tha zawnga hman hi kan tum hram hram a tha a ni.
FOLLOW
ReplyDeletePost a Comment
He post chungchanga i ngaihdan lo sawi ve rawh: