Aizawl |July 14, 2019: Hlawhtling taka Gym Challenge 1 & 2 huaihawt hnuah GC 3 chu July ni 11, 2019 zan khan SPES Martial Arts Gym, Dawrpui-ah neih leh a ni. He event hi Zo Fight Promotions Pvt. Ltd. (ZFP)-in an sponsor a ni a, MISMA (Mizoram State Mixed Martial Arts Association) leh Zonet ṭang kawpin an huaihawt a ni. ZFP CEO hi Jeremy L. Pautu a ni a, anni hian fighter zawng zawngte incentive cash award an hlan ṭhin.
MMA hi UFC company in a rawn tihlar, khawvela infiamna ṭhang chak berte zing ami a ni chho mek a, MISMA pawhin grassroot level-a Mizo fighter-te talent hai chhuak turin he gym challenge hi a buatsaih a ni. GC3-ah huan Tripura leh Meghalaya aṭangin fighter an lo kal ve a, Zohnahthlak hnaute an rawn tel ṭeuh bawk. Zofate inpumkhatna kawngah infiamna hi a hman theih tih ti lang chiangtu a ni.
MMA hi UFC company in a rawn tihlar, khawvela infiamna ṭhang chak berte zing ami a ni chho mek a, MISMA pawhin grassroot level-a Mizo fighter-te talent hai chhuak turin he gym challenge hi a buatsaih a ni. GC3-ah huan Tripura leh Meghalaya aṭangin fighter an lo kal ve a, Zohnahthlak hnaute an rawn tel ṭeuh bawk. Zofate inpumkhatna kawngah infiamna hi a hman theih tih ti lang chiangtu a ni.
GC3 ah hian Pu R. Lalzirliana, Cabinet Minister chu khuallian a ni a, tunlai ṭhalaiten dawihzep taka khawlai vela insual rawn an chin chu ṭha lo a ti a, hetianga dan hnuaiah ngeia mimal lehbmimal mahni nun inthunun chunga hriselna kawng zawha MMA fight thei Mizo ṭhalai tam tak kan awm hi lawmawm a tih thu a sawi a, hma lam pan zel turin a fuih nghal. Khuallian hian fighter zawng zwng hnenah ₹500 a pe ṭheuh bawk a ni.
*** I Hun awlah website a fakna hi lo click ve rawh le. ***
*** I Hun awlah website a fakna hi lo click ve rawh le. ***
MISMA technical chairman Samuel Lalrozama chuan tun kar kalta maiah khan India rama amateur fight night liante nen MISMA chu contract an sign thu a puang a, Gym Challenge-a ti ṭhate hi ram pawna heng event-ah te hian an thawn chhuah theih tur thu a puang- Underground Fight Night, X1 International leh Fight of Knights. Chung event-ah chuan hlawh an neih mai bakah kal man leh ṭul dang engkkm an tumsak dawn a ni, organizer ten. MISMA President Lalṭhakima chuan MISMA official-te chu India ram pum huap pawha zahpuiawm loh an nih thu a sawi a, GC4 chu August 8 ah neih leh tur a nih thu a puang bawk.
Result kimchang chu heti ang hi a ni:
1. Riljuirani Halam ( Tripura) chuan unanimous decision-in Lalchhuanawmi (Mizoram) a hneh.
2. Wankitupar Markhap (Meghalaya) chuan TKO-in Zomuanpuia (Mizoram) a hneh.
3. William Nongrum chuan (Meghalaya) chuan KO-in Sumlalril Ranglong (Tripura) a hneh.
4. Danny Chakma (Tripura) chuan Walk Over-in Lalthanglura (Mizoram) a hneh.
5. RB Lallianzova (Mizoram) chuan unanimous decision-in Lalṭanpuia (Mizoram) a hneh.
6. Jotina Klein (Meghalaya) chuan Female Atom bout-ah Tracy Darlong (Tripura) chu split decision-in a hneh.
7. Lalawmpuia (Mizoram) chuan submission (armbar)-in Simtangamanik Halam (Tripura) a hneh.
8. Hmingmuanawma (Mizoram) chuan unanimous decision-in Amol Syngbli (Meghalaya) a hneh.
9. Mithun Singha (Tripura) chuan unanimous decison-in Lianthangpuia (Mizoram) a hneh.
10. George Lalmuanawma (Mizoram) chuan submission (armbar)-in Samuel Lalthlamuana (Mizoram) a hneh.
*** I Hun awlah website a fakna hi lo click ve rawh le. ***
*** I Hun awlah website a fakna hi lo click ve rawh le. ***
Post a Comment
He post chungchanga i ngaihdan lo sawi ve rawh: