Aizawl | July 28, 2019: Excise and Narcotics Department hnuaia hnaruak 23 awmah dilna form sing chuang semchhuah a ni a. Mizoram Thalai singkhat chuangin Excise and Narcotics Department hnuaia hnaruak 23 an inchuh dawn!
Mizoram Excise and Narcotics Department chuan tunlai hian hnaruak 23 hnawhkhah tumin 'staffing process' a kalpui mek a. Hnaruak 23 te hi LDC 2, Group D Staff 4 leh Constable 17 lak tur a ni.
*** I Hun awlah website a fakna hi lo click ve rawh le. ***
Hetah hian dilna form sing chuang semchhuah a ni a. Post ruak pahnih awmna, pakhat chu vohbik-te tana hauh LDC-ah hian dilna form 2590 chuang semchhuah a ni a. Hnaruak 4 awmna Group D atan hian dilna form 3362 pekchhuah a ni a, Constable atan hian mi 17 lak tur a ni a, dilna form 4230 chuang, a vaiin 10,182 an pechhuak niin END hotute chuan exploremizoram.com an hrilh.
Thudawnnain a sawi danin, dilna form hi cheng 150 in diltuten an lei a. Form 10,182 an semchhuah chuan dilna form man ringawtah cheng 15,27,300 chuang department ah a lut dawn tihna a ni.
He thil hian Hna mamawhna a nasa tih a tilang a, Thalai hna nei lo an tam tih a tilang chiang hle awm e.
Dilna form zawng zawng hi kim taka a luh chuan thalai sing chuangin hna 23 awm an inchuh dawn tihna a ni.
*** I Hun awlah website a fakna hi lo click ve rawh le. ***
*** I Hun awlah website a fakna hi lo click ve rawh le. ***
Post a Comment
He post chungchanga i ngaihdan lo sawi ve rawh: