Kum 2005 hnua Miss Mizoram thlan leh hmasak berah Armed Veng South nula, H. Lalchhanhimi chu Miss Mizoram 2014 atana thlan June 6, 2014 khan Vanapa Hall, Aizawl-ah thlan a ni.
Miss Mizoram 2014 - H Lalchhanhimi hian 2015 khan pasal a neih tak avangin Miss Mizoram 2014 nihna chu November 23, 2015 khan C. Vanlalmalsawmi hnenah hlan leh a ni.
H. Lalchhanhimi hi Miss Mizoram 2014 atan thlan chhuah a ni a, C. Vanlalmalsawmi, Luangmual chu Ist Runner Up a ni a, Kulikawn nula, Lalruatfeli chu IInd Runner Up a ni.
Vanapa Hall-ah Miss Mizoram 2014 Grand Finale-ah hian top 16 te inlanin, top 10 thlan chhuah an ni a, hemi hnu hian top 5 thlan chhuah leh a ni. Top 5-ah hian H. Lalchhanhimi, Armed Veng; C. Vanlalmalsawmi, Luangmual; Lalruatfeli , Kulikawn; Christina Lalhmingthangi, Electric Veng leh Lalruatfeli, Kulikawn te thlan chhuah an ni. Heng te hi ziaka chhân turin zawhna inang tlang zawh a ni a, Miss Mizoram 2014 atan thlan , H. Lalchhanhimi chuan 'Mihring min timawitu ber leh timawi lotu ber eng nge nia i hriat?' tih zawhna chu - 'Nungchang hi mihring min timawitu a ni a, ṭawngkam hi fimkhur a ngai hle, min timawi lotu leh min tizahawm lotu a ni thei a ni. Fimkhur a ṭha,' tiin a chhâng a ni.
Miss Mizoram 2014 hian Rs. 110,000 a dawng a, Ist Runner Up hian Rs. 50,000 dawngin, IInd Runner Up hian 30,000 a dawng bawk. Subtitle laten Rs. 10,000 ṭheuh an dawng a, sub title la loin participation prize Rs. 5,000 ṭheuh an dawng bawk.
Miss Mizoram 2014 finale |
Miss Mizoram 2014 |
(A hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: