Aizawl | July 13, 2019: Fur ruahtui tlak nasat avangin Lunglei Zotlang khawchhung Tourist lodge leh Chawngbawla Point inkarah kawng chhak lam atanga lei khi leh tawlh avangin helai kawngpui phei hi tun dinhmunah him rih lova ngaih a ni.
He mi chungchangah hian Lunglei SP Pu C Lalthanmawia chuan lirthei leh mipui him zawkna turin helai kawnga lirthei tlandan khuahkhirhna a siam a, zotlang kham phei kawngpuiah, Lirthei lian engchi pawh engti hawi zawng pawhin tlan phal a ni lo a. Lirthei Medium vehicle te erawh, Zotlang khawchhung chhuahlam kawng lamah tlan phalsak an ni a. Hemi anih avang hian, Zotlang leh Serkawn khawchhung kawng dung sirah lirthei dah phal a ni lova; Lirthei te chi chauh, Zotlang kawngphei kawngpui pangaiah hian tlan phalsak an ni.
Lirthei lian chi chhim lam-Lawngtlai/Siaha pan tur te leh chhim lam atanga Aizawl pan tur te pawh NH-54 Hnahthial kawng lam ah tlan tur a ni a, hmar lam atanga Lunglei luh ngaite chu Pukpui thleng chauh luh phal a ni bawk. He lirthei tlan dan turah hian, Lunglei khawpuia dah tur, nitin mamawh Oil leh Gas phur te a huam lo a ni.
*** I Hun awlah website a fakna hi lo click ve rawh le. ***
Post a Comment
He post chungchanga i ngaihdan lo sawi ve rawh: