Fanu Rangkachak Lalremsiami Hmar kan belchiang; Kan harsatna hmachhawn tur hian keimahni tluka tha an awm lo - Lalremsiami Hmar

India Hockey Player chhuanvawr zinga mi, India fachuam leh Mizoram fanu rangkachak tih hiala an sawi thin Lalremsiami Hmar chu a hun chep tak karah  inkawmna hun  min siamsak a, a chungah kan lawm a, a kal zelna turah duhsakna kan hlan e. Explore Mizoram Founder H Zate nena an inkawmna hi lo chhiar ve rawh le.

Thlalatu: Francis Mars
 


A thiante'n Siami tia an koh thin, Lalremsiami Hmar hi  Lalthansanga (L) leh Lalzarmawii te fanu niin, 2000 March 30 khan a lo piang a. Kolasib College venga awm an ni a. Tunah hian pawl 12 zir mekin, India Hockey Team a player pawimawh tak  mai a ni mek  a ni.

 

Chawimawina dawn tawhte:- 

1. Women's world cup , London 2018 (Women of the match in Quarterfinals)

2. Senior Women's Asian champion trophy, Korea  2018 (Raising star of the tournament)

3. Asian hockey federation (Raising Star of the year 2018)

4.  Inter Railway  tournament , Punjab 2018 ( Women of the match)

5. Usam Award 2018 

(1) Best young female player

(2) Best sports women

6. Vulmawi Award 2018


*** I Hun awlah website a fakna hi lo click ve rawh le. ***

Thlalatu: Francis Mars

Ambassador nihna:
* Explore Mizoram ( www.exploremizoram.com )

* Mizoram University

* Mizo Falcons  Brand Ambassador.


*Engtik aṭangin nge Hockey i khelh ṭan?
 -  Hockey hi kum 11 Ka  nih a tangin Ka khel tan.

 

*SAI Thenzawl ah i awm tawh em? Engtik aṭangin nge, Kum engzat chhung nge?
-  Aw SAI hostel Thenzawl ah Ka awm tawh. Kum 2011 khan Ka awm a, kum 5 chhung Ka awm.

*SAI Thenzawl ṭangin khawi nge i pan?
-  Kum 2016 October khan SAI Thenzawl atangin National Hockey Academy Delhi Ka pan.

Thlalatu: Francis Mars

*India aiawh a i khelh ṭan dan tlangpui:
-  NHA Delhi atangin India junior camp tur in trail Kan nei a,Chutah chuan Kan hostel atangin Ka tling ve hlauh a, chuan India junior camp chu Ka va zawm a Chu ta tang chuan Indian junior team ah Ka khel  tan, chuan kum 2017 atangin senior team ah khel.

*Harsatna i tawh changa i hmachhawn dan:

- Kan harsatna hmachhawn tur hian keimahni tluka tha an awm lo. Ka thil lo tawrh tawh te leh Ka tawrh mek te hi mi dangin a an la tawrh ngai lo a ni lo a. Ka rilru a hnual a Ka beiseina a bo chang hian, Mi dang pawhin an lo tawrh theih chu kei pawh hian Ka tuar chhuak ve thei a ni tiin Ka infuih thin.
Pathian hian harsatna leh manganna hi Mihring ten a Kan tawrh zawh loh tur hi engmah a thlen tir ngai lo tih hi Ka hriain Ka ring tlat a chuvang chuan, eng  ang harsatna leh manganna pawh Ka chungah lo thleng se,  inhneh tir Ka tum ngai lova, Pathian rin chhana hneh zel Ka tum tlat thin.

Thlalatu: Francis Mars

*Engtik kum aṭangjn nge India tan i khelh? I game hmasa ber eng ram nen nge in khelh?

- India tan hian kum  2016  khan Ka khel  a, Game hmasa ber Chu Chinese - Taipei nen Kan khel.

 

*Hockey hi Mizo ṭhalai tam zawkte tan tui ve chi niin i hria em?
-  Aw hria e. Kan khawpui ber Aizawl ah ngei hian  Hockey turf Ground  hi han awm thei phei se chuan  a lawm awm ngawt ang.

Duh zawng leh ngaihnat zawng:

Sportsperson: Mizo ah chuan Jejej Lalpekhlua .

Rawng: A Dum leh Var.

Chawhmeh:  Vawksa leh Bai, Artui leh Tomato kan.

Dress: Simple Dress
Hla: Hla cool Ka ngaina 

Ziaktu: Shiv khera

Hla: Aw Nang Kan Kal  Kan Pathian (Mizoram state Anthem)

Hlaphuahtu:  Hla phuah tu hi chu han hriat Ka nei vak lo a, mahse Vanlalsailoa hla  phuah te hi Ka ngaithla tam.
Mize ngainat zawng: Tawng tam vak lo, mi hlim thei tak.

 

Mize ngainat loh zawng:
- Mi Rinawm lo.


Hobby- Hockey khelh leh Hun awl a Lehkhabu chhiar.

Relationship status - Single

Kawppui atan duhzawng:
-  Christian chhungkaw din pui theih tur leh mi Rinawm 

Zawhna dang:-

1. A tel lova awm theih loh: Bible 

2. I nun kaihruaitu: Bible leh Tawngtai

3. Hringnuna i hlauh ber: Mi te Rin ngamloh nih hi Ka hlau.

4. I tih ngai miah loh tur: Pathian  thlahthlam.

5. Mizo Tualzal nuna ṭha i tih: 
- Tlawmngaihna leh Kan Kristianna.

6.  Quote i duh ber: Sam 37 :5 - I awm dân tûr chu LALPA chungah nghat la, Amah ring la, a tihsak vek ang che.

7. Mizoram leh Mizo tualzal nuna Mizo hmeichhiate dinhmun:
- Nu leh Pa te thawhchhuah ringin Kan  inthuam a, Mahni ke a din hlut zia hi Kan hre tam lo deuh niin Ka hria.

8. Hnam hmingṭhat leh hmingchhiat kawngah Hmeichhiate'n mawhphurhna:
-  Kan Mizo Mipa te Kan ngaihsan thiam a, Hnam dang Mipa te laka zahawm tak a Kan nun a pawimawh.


9. Mizote tan 'Fa neih tlem' inzirtir hi a ṭulin i hria em? 
- Fa neih tlem inzirtir hi a tulin Ka hre lo.

10. Khawtlang, Kohhran leh nangmah: 
- Khawtlang leh kohhran ah hian Ka phak ang tawk a in hman Ka tum.

11. Social Media leh Nangmah:
- Social Media  hi Chu keimah ah chuan  a tha Ka ti a, mahse a hmangtu a zir leh a hman chhan a  zir in a pawiin a pawi lo thei.

12. Mizoram ṭhalai tam tak tlakchham:
 - A tlangpui in  Mahni kut ke a din tumna leh Mahni thawh chhuah ringa Nun tumna hi Kan tlachham deuhin Ka hria.

13. Mizo ṭhalaite hian ngaihsan tur dik an ngaisangin i hria em?
- Kan Vai chuan Ka ti lo a,mahse atlangpui in Kan  hrelo ni in Ka hria.

14. Ngaihsan tur dik nia i hriat:
- Hnam dang ngaihsan loh tur Ka tihna lovin Mahni mizopui te leh Mahni kut ke a din tum tlat ang te hi Ka ngaisang.

15. Hlawhtlinna tura pawimawh:
-  Pathian tihna nun  leh  keimahni hi Kan pawimawh a,  chuan  Kan tum ah Kan Chian em em a ngai bawkin Ka hria.

Thalaipuite hnena chah duh:
-  'tumruhna leh insumtheihna Kan neih phawt chuan kan tum ram theuh thleng turin Kan Hlawhtling vek thei. Tin, zuk leh hmuam lak ah te fihlim i tum tlat ang u.'

Exploremizoram.com i hmuh dan:

- www.exploremizoram.com hi tha Ka ti a, in kal lehna zel tur ah duhsakna sang ber Ka hlan  che u a, Mi dang te tan a in in pekna leh malsawmna  ah Lapan  malsawm zel che u rawh se.

•| Sponsored by TT Arts |•

_________________

TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 600 in lei tur a awm bawk e.

Call/ WhatsApp +919615332721