KOLASIB BAWRHSAP IN DISTRICT JAIL A TLAWH

Aizawl | JUly 4, 2019: Kolasib Bawrhsap Pu Zoengsanga chuan nimin khan Kolasib District Jail tlawhin a dinhmun a zirchiang.

He hunah hian Jail Superintendent Pu Thuthlungropuia chuan Jail dinhmun sawi zauna hun a hmang a, a tarlan dan chuan kolasib District jail ah hian hnathawk tur post 29 a awm a, Asst Jailor leh Data Entry Operator post chu hnawh khat loin a ruak a, Jail a Medical Officer awm mek sawn chhuah thlaktu tur dah ala nilo bawk. 

Thutkhawm ah hian Jail a inthiarna awm chu a tlem thu bakah damdawi lamah harsatna a awm thin thu tarlan bawk ani a, tui supply erawh a that thu tarlan a ni.

Bawrhsap chuan Jail a duty tur Doctor chu DMS lam atanga ruahmanna siam a nih theihnan hmalak a nih tur thu sawiin kawng danga harsatna awm ah pawh hmalak dan tur kawng dap a nih tur thu a sawi bawk.

Kolasib District Jail hi tang mi 114 awm theihna a ni a, tun dinhmunah chhan hrang hrang avanga tang mi 135 an awm mek a, hei hi tang an awm tlem lai ani tih tarlan ani a, a tlangpuiin mi 160 atanga 170 inkar tang an awm thin a ni.

- DIPR

*** I Hun awlah website a fakna hi lo click ve rawh le. ***