Tui lian vangin Tlabung khawtlang buai; Chhungkaw ṭhahnem tak hmun him lamah inthiar chhuak

Aizawl | July 12, 2019: Khawthlang Tuipui tui chuan ruahsur nasa vang kiam lam aiin len lam a pan zel a. Khawthlang tuipui kama awm Tlabung khua chu chhungkaw 40 chuang an in chhuahsanin hmun him lamah an insawn tawh.



Thlalatu: Ṭantea Tlabung

Hetiang zela ruah a sur chuan Chhungkaw 100 velin in an chhuahsan a ngai dawn niin thu kan dawng.

Hetihlai hian Tlabung rala awm, Serhmun chu tuiin an in a chim vek tawh niin thu kan dawng a  




Tui a khauhin a lian hle, ral lehlama awm Serhmun khua pawh an ralkhel hle.




Missionary Kaia Tawngtaina In

Tuilian hi July ni 10 tlai dar 5 aṭang khan chikmi ten tehna an siam a. Tun thlengin he tehna aṭanga a landanin darkar 1 chhungin 4 inches-in a sang a ni.




Tuilian hian luikam aṭanga hmun hniam/hnai ber (1st stage-a awm te) area pawh a la thleng lo deuh a ni. 1st stage a pelh hnuah erawh chuan, chhungkaw 40-40 vel chu suanchhuah ngei ngei an ngai tura ngaih a ni.






Kum 2017 leh 2018-a tuilian nen khaikhinin kumin tuilian hi a muang viau a, chutih laiin ruah a sur reng avangin ngaihngam taka awm erawh a rem chuang lo. Tlabung khaw chhehvel Chakma khaw dinhmun hriatchian a la ni lo a, Tuikukkai khuaah chuan chenna in sawm (10) vel tuilianin a chîm tawh tih hriat a ni.



Dak In bul velah chuan khawlaiah tui a awm tawh


YMA: Tlabung Branch No-Fishing Zone 'Ralvenbuk' pakhat zawk chu nizan dar 10:30 vel khan tuihawkin a hawrh nat avangin a che na hle a, nizan la la khan hruizen hmanga thlunbeh a ni a, chu chu nichin mai khan ṭhiah a ni. He in hi char-tin leh rangva engemawzat hmanga sak a ni a, lighting system man to tak tak (zana luidung enna) pawh dah a ni.



Missionary Kai a Tawngtaina In chu a chhuat a chim tep


6:00 PM: July 11-

Tlabung atanga thudawn dan in tun dunhmun ah In 17- bungrua thiarchhuah sak an ni tawh a:
1) Tlabung Bazar veng - 2
2) Metor veng - 10
3) Bawngveng -  5.


Tuilian a kal chak lutuk lova,YMA hruaitute chhinchhiah dan in Darkar khatah Inches 4 ang vel tho a la ni.Tun dinhmunah In 40-50 vel chu a tul hun a bungraw thiar chhuak mai turin an on packed fel tawh a,zanin hian Tlabung Branch YMA pawhin tlai vâr a duty turin hnatlang a ko bawk a ni.




10:40 P.M: July 11

Tun thlengin Tlabung khaw chhungah chhungkaw 25 thiar chhuah tawh an ni. Tuilian hian tun thlengin Licheng a la liam lo a, a bul luikawrah pawh tui a la kualchhuak lo a ni.

Zanin dar 6 leh dar 10:30 inkarah 2.4 fts.-in tui lianin san lam a pan a. Tuilian sanna rate hi nasa leh hlauhawm tak a ni lo, ruahsur a tawp rih loh avangin chhungkaw 40-50 vel chu hmun him lam pan turin an inbuatsaih.

Tuilianin chenna in a chîm te hi khawchhungah chuan pil a la awm lo a, in-chhuat leh skirting vel a chîm mek a ni. Tlabung khaw ṭhenawm Serhuan-ah chuan chenna in 30-40 vel a chîm tawha rin a ni.

Zanin tlai dar 5 khan Pi Chuaupari DO, DM&R, Lunglei District chu Tlabung a thleng a, tui chîmna hmun hrang hrang a hmunah tlawhin a endik.

Branch YMA-in a ṭul huna che chhuak thei turin hnatlang an ko leh bawk.

On 1:15 A.M. 12th July:

Tlabung khaw chhungah chhungkaw 25 vel an inthiar chhuak tawh. YMA Run basement kawtah tui a dîl chho mek a, Licheng panna lêi a la kan phak lo.

nizan dar 6 leh zing dar 1 inkarah 5 fts.-in tui lianin san lam a pan. Tuilian sanna rate hi zanlai dar 12 leh dar 1 inkarah 8 inches niin; a hmaa a punna aiin darkar 1-ah 3 inches velin a pung hlek, ruahsur a tawp loh avangin chak lutuk lo mah se len belh zel tura ngaih a ni.

YMA member engemawzat a ṭul huna che chhuak thei turin an duty.





On 4:40 A.M. 12th July

Tlabung khaw chhungah chenna in 40 (hriatchian chin) aia tam an inthiar chhuak tawh. Kumina tuilian trend kalphung pangngai rinlawk aiin a kal chak/nalova abikin; zing dar 3 leh dar 4 inkarah.Tunah chuan MṬKP inkhawmpui, 2019-a pandal/Sap Upa leh Pu Buanga Run sakna hmun - Licheng chu tui hnuaiah a awm leh ta !!!









Tuilian inṭantirhah khan TLANGAU neih loh ṭha tih a ni a. Mahse, tunah hian tlangau (info.mike) hmanga member-te sawm loh theih loh hun kan thleng mek a ni. Chiai aiah rilru fim taka harsatna hmachhawn hun a ni e.

YMA: TLABUNG BRANCH, TLABUNG




(Update reng a ni a, post hi edit zauh zauh a ni e.)


*** I Hun awlah website a fakna hi lo click ve rawh le. ***






Licheng Field leh Tlabung khua Ariel View hetah hian a awm e.



1 Comments

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post