Khawkawn Branch MHIP in Manipur ramri Tuivai Lei (Bridge) ah kawng dang

Aizawl | July 14, 2019: Tunlai hian Manipur atangin ruihtheih thil a bik in Zu a lut nasa a ni tih hriat a ni a.  Ruihhlo leh Zu hi Mizoram chhung a a lo luh tawh hnu hian a la lut tu ten, Khawkawn atanga lak ni a sawi in, hetiang la tur a kal ten Manipur ah Khawkawn khua ni a in sawi in  ruihhlo leh Zu (Sekmai Meitei ho zu tha) an la lut thin tih hriat a ni a. Hemi dan nan hian MHIP bultumin kawng dangin an duty.

 Khawkawn Branch MHIP Secretary Pi Lalbuatsaihi hnen atanga thu dawn dan in, "A bul tan nan leh kan khua ti hming chhiat duh tu te dap chhuak tur in Manipur ram ri ah MHIP bul tum in VC leh YMA te nen kan Duty a, kan Zu man te hi Tuivai lui ah kan leihbaw nghal zel a, tam tham tak kan hal ral tawh a ni" a ti. 

"Kan Sorkar chak tak hian  Excise Check gate min dah sak ngei se kan duh hle mai. Ramri dep a awm khua kan ni a, Sorkar in zukhapna dan hman a tum mekna ah hian, a kal khan khua kan nih vangin MHIP te hi hetianga che ta mai kan ni" ti in a sawi bawk.

*** I Hun awlah website a fakna hi lo click ve rawh le. ***

Pi Lahmingmawii pawh in thusawi in, "Zu leh Ruihhlo do kawng ah MHIP in hma kan la hi a zahthlak rual in Mizoram Sorkar hmalakna leh Sorkar tha ti chak tur in Nu ho kan pen chhuak mai a ni" a ti. 

Khawkawn khua hian Excise leh Vety check gate hi Sorkar hmasa ah pawh khan dil a lo ni fo tawh a. An dil hlawchham fai vek tawh a, tun a kan Sorkar chak takah hian beiseina sang tak an nei a ni.  Excise leh Vety Checkgate an neih ngei theih nan Khawkawn khua Manipur ramri dep a awm National Highway No. 102B hi venhimna kawng ah pawh ngaihsak a ngai hle mai. Ramri a Police emaw Sipai (Assam Rifle) emaw an awm lo ringawt pawh hi thil fel lo tak a ni. 

Re-Edited by Lr Tluanga MamaVuite


*** I Hun awlah website a fakna hi lo click ve rawh le. ***