Khawthlang Tuipui lianin zual lam a pan; Tlabung leh a chhehvelah in 300 chuang tuiin chim tawh

Aizawl | July 14, 2019: Mizoram hmun hrang hranga ruahsur nasa vanga Khawthlang Tuipui lian mek chuan ziaawm lam aiin zuallam a pan zel a. Tlabung leh a chhehvelah in 300 chuang tuiin chim tawh. Tlabung leh a chhehvelah hian tuilian vanga nunna chan mi 3 an awm tawh niin thu kan dawng.

exploremizoram.com
Tlabung; Thlalatu: Tantea Tlabung

Chhungkaw 500 chuangin mahni in lum chhuahsanin hmun him zawkah an insaseng tawh a ni.


Kan thudawnna in a sawi zel danin, Tlabungah in 150 vel, Sethlun ah in 130, Tiperagath ah in 90 vel bakah Chawngte ah pawh in 30 vel tuilian hian a chim tawh niin thu kan dawng.

Hetihlai hian Kau lui pawh lian zelin, Zawlpui khua pawh chhungkaw tam tak an buai tawh niin thu kan dawng bawk.

exploremizoram.com
Tlabung; Thlalatu: Tantea Tlabung
Tlabung khaw chhungah ringawt tuilian vangin chhungkaw 150 chu hmun him zawkah an insawn chhuak tawh niin an sawi. Hetih lai hian Khawthlangtuipui lian tuar nasa ber thin khaw pahnih - Serhuan leh Tippereghat chu tuilianin a khaw pum deuh thaw a chim tawh a, Tuichawngah chenna in 8 tuilian hian chim tawhin, Nunsury-I leh Silkur-ah pawh chenna in 10 vel ve ve a chim tawh.

exploremizoram.com
Tlabung; Thlalatu: Tantea Tlabung
Tlabung hi tun dinhmun ah chuan eng lirthei mahin a kal pawh thei lo a, lei min nasat avangin ke pawn a kal hleih theih loh a, lei min mai bakah kawng bo hlawk khawp a kawng tlabal te a awm a, kawng thar sial mai ngaihna lai awmte hmun thenkhatah chuan a awm a, hengte avang hian engtia rei nge heng harsatna sukiang tur hian hun a duh ang tih ngaihtuah thiam a har hrih hle a ni.

exploremizoram.com
Tlabung; Thlalatu: Tantea Tlabung
Tlabung leh Sihphirtlang inkarah, Tlabung leh a chhehvel chak lakna kawngpui NH 302 chu hmun 80 chuangah leiminin a hnawh ping nia hriat a ni a, hmun thenkhatah leimin hian kawlphetha lakluhna hrui chu a ban chawpa a hnawl avangin, Tlabung leh a chhehvel khuaa Kawlphetha pe chhuak leh tur chuan ni eng emaw zat nghah a ngai dawn nia thu dawn a ni.

exploremizoram.com
Tlabung; Thlalatu: Tantea Tlabung
*** I Hun awlah website a fakna hi lo click ve rawh le. ***

Hetih lai hian Power supply chawhluhna line pui hmun engemawzatah a chhe bawk a, Lungsen leh Sihphir inkar ringawtah powet line hi hruai chat bakah thing lianin a vuak hmun engemawzatah a awm a, Sihphir thlanglam ah ban tlu engemawzat awm bawk nia thu dawn a ni bawk a, power supply restore tur pawh inkalpawhna a pin vek avang hian engtia rei nge a duh dawn tun dinhmunah chuan hriat a har hle a ni.


Power Supply a awmloh avangin Mobile tower ten hna a thawk tha lo tan a, mipuiin mobile charge naah harsatna an tawh avangin biak pawh hleih theih an  ni meuh tawh lo a, chanchin thar zel pawh hriat a har ta hle a ni. 


*** I Hun awlah website a fakna hi lo click ve rawh le. ***

Post a Comment

0 Comments