BSUP Complex chhiattawkte tanpuina hlan

Aizawl | July 31, 2019: Music Domain Mizoram,  ZONET leh DELTA SOUND te tangkawpin  BSUP a chhiat tawkte tanpuina tura July 9 zana Live charity Concert, Dawrpui Multi Purpose Hall-ah a buatsaih atanga pawisa tlingkhawm chu chhiattawkte hnenah hlan a ni tawh.

He charity concert atang hian sum Rs 4,85,000 lai lut in a tanpui ngaite tanpui nana sum thawhtu te chung ah Organising chuan lawmthu an sawi a, hetiang hian tanpuina hi sem chhuah a ni.

 

Nunna hlu tak chan 3  te tan Rs 1,00,000 theuh, Hliam (Damdawi in a admit) mi 3 te Rs. 40,000 theuh, Hliam te nau mi 8 - Rs. 5,000 theuh leh Bungraw chhia mi 5 - Rs. 5,000 theuh hlan an ni.

Ni 9th July, 2019 zan dar 8:00 ah khan Music Domain Mizoram, ZONET leh DELTA SOUND te tangkawp chuan BSUP a chhiat tawkte tanpuina turin Live charity Concert, Dawrpui Multi Purpose Hall-ah a buatsaih a. He hunah hian MDM atangin zaithiam tak tak te zaiin, Mizoram chhunga mi hming thaten phone call atangin pawisa hi an lo dawng a, pawisa lam khawm hna hi Tirhkoh Dawla-ten an thawk a, heng chhiat tawkte tan a sum leh pai leh thil hrang hrang hmanga luang chhuak zawng zawngte chungah Organising Committee chuan lawmthu a sawi a ni.

July 2 zan khan Mizoram in thleng tura a duh ngai reng reng loh chu BSUP Complexah chhiatna a thleng a. Kha chhiatna thleng khan mipui a barakhaih a, Zoram dung leh vang a fang chhuak hneh hle a nih kha. Kha chhiatna thlengah khan  Sainghinglovi (52)  W/O   V.Lalrodawnga,  Lalnunfeli  (13)   D/O Lalngaihliani leh  Lalpeksanga  (8) S/O Lalchuailova ten nunna hlu tak an chan a, mi thahnem takin hliam an tuar a ni.

#Zonet #MDM #DeltaSound #Tirhkohdawla

BSUP Chhiatna thleng report kimchang leh thlalak hetah a awm e.